ABEKHIT 22:28 - AMÜSÜH HÜM CL Bible (BSI)

²⁸ “Nünü Thrünpuh düluhmüne, yungsho nüsa mihtsürü yakzanshuhrü dathru.

ABEKHIT 22:28 Iomraidhean Croise

2 SAMUEL 16:5

Küyimki kiulongthsüpuh David Bahurim ching arükhea, Saul yamkhün chingnü mihtsürü khülang Gera tsührü Shimeinü athrude akhiuk.

2 SAMUEL 16:9

Judüki Zeruia tsührü Abishainü kiulongthsüpuh ki tha, “Tümüde ha ashekhi yihnunü I tungpuh kiulongthsüpuh athrupü? I yüshang tüsho api ku luanü.”

2 SAMUEL 19:21

Zeruia tsührü Abishainü alo, “Atungpuhnü mujude-mokhitkhi kheak athrukhi dünkheak Shimei müsheshihba de?”

1 KIULONG THSÜRÜ 21:10

api mikhuh mihtsürü mahne binshang, tüsho api azhihde thashang, ‘Nünü Thrünpuh tüsho Kiulongthsüpuh athrudo.’ Judüki api bekhitang, tüsho api rusahang.”

MUNGSHIKHÜN 138:1

Inü I mulong athrünkhinü nü shijihbah; thrünpuhbo miki inü nü ki mungshikhibo khün thsübah.

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

ABEKHIT 21:17

“Shepünü abuh yungsho abe athrubanü asheshihbah.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

T H S AN GYU T H S AN GR ARÜ 10:20

Nü lüm chingnü lang she kiulongthsürü dathru, yungsho nü yappung khiungshak chingnü she alarü dathru; tümüde wuhnu khülangnü nünü athakhi yusheak hande yünü arü ki thapü kuklah.

LEVI 24:11

Israelbe tsührü junü Thrünpuh mung athrude tha; jumonü arünü api Mosa kilim bedarü. (Abe mung ju Shelomith, Dan trük, Dibri tsührübe lakheah).

LEVI 24:15

Tüsho Israelrü ki thaang, Shepünü nihbuh Thrünpuh athruajibanü nihbuh neak hanbah.

LEVI 24:16

Shepünü Atungpuh mung athrubanü api asheshihbah; boto ching athrünkhinü api rusahbah; hanrü thsüthsü mihkhung larü thsüthsü, küyimki Atungpuh athrubanü api asheshihbah.

YUNIRÜBO RHIMO 23:3

Paulnü api ki tha, “Nü amüye mujukhi-rhü, Thrünpuhnü nü shikbah! Nünü yakzan yande I mahkhappü binbah ju yakzan azhihde I shikpü thiyukhüm jihcho de?”

YUNIRÜBO RHIMO 23:5

Tüsho Paulnü tha, “Keoniorübo, api achangbe amükeamrü ah de inü mükheah-a müla; tümüde ha thrüta lah, ‘Nünü nüsa mihtsürü yakzanshuhrü dünkheak amütsü dasuk.’ ”

1 PETER 2:17

Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

JUDNÜ ATHRÜTKHI KIHÜM HUHTANYU 1:8

Tütüshe hadürü yakli ching harü mihtsürübonü arü milimnü shihphü münean, thiyukhüm-sühmüh bahyuk, tüsho müretahkhibo azhih.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’

1 SAMUEL 24:6

Apinü amihtsürübo ki tha, “Atungpuhnü mujude-mokhitkhi I tungpuh kheak I khah dünkihpü Atungpuhnü I kilim danlah; tümüde api Atungpuhnü mujude-mokhitkhi lah.”

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”