ABEKHIT 22:20 - AMÜSÜH HÜM CL Bible (BSI)

²⁰ “Atungpuh kheak hode shepünü püpü thrünpuh ki laksah-a kingaünbanü shahde adükheakshihbah.

ABEKHIT 22:20 Iomraidhean Croise

1 KIULONG THSÜRÜ 18:40

Elijanü arü ki tha, “Baal wukihrübo ramang; arü khülang she dütsoshih.” Judüki arünü arübo ram; tüsho Elijanü arübo Kishon dükhün ching bede aki, tüsho arübo ju ching laksah.

2 KIULONG THSÜRÜ 10:25

Apinü taka kingaünkhi jihkham akede, Jehunü aheangrü tüsho atorübo ki tha, “Azahang tüsho arübo laksahang; sheshe dütsokhishih.” Jumonü arü nukshangnü arübo laksah. Aheangrü tüsho atorübonü arübo jipkhita bah, tüsho Baal arüngyam alungbe ching yüzah.

2 KIUTHSÜYUKHEAN 15:13

Athunu yungsho ashinkhi, athrürü yungsho aliberü thsüthsü, shepünü Atungpuh , Israel Thrünpuh müyimbanü asheshihpü thsü.

ABEKHIT 23:9

Nünü hanrü düjuno, tümüde nünü hanrü mulong mükheahlah, tümütüsho nüsa Ijip lomi ching hanrü lakheah.

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ABEKHIT 34:15

Ju lomi ching larü kheak binthrüm müthsüpü kümkangang; tümüde küyimki arünü arü thrünpuhbo kheak müzammüramde laksah-a kingaünba, arünü nüsa jiyukbah tüsho nüsanü arü kingaünbo tsühbah.

EZEKIEL 20:7

Tüsho inü arü ki tha, “ Nüsa mihbüm abannü nüsa mük ki lakhi athraneanbe mejakbo yihkhita bahang, tüsho Ijip sangthsü kheak nü dümünean. I Atungpuh nüsa Thrünpuh.”

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

LEVI 19:33

Küyimki khiungkerü khülang nüsa lo ching nü lung labanü, nünü dükheahmüchih.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

WÜHKHE 21:3

Tüsho Atungpuhnü Israelrü yu anide Kananrübo arü khah ching jih tüsho arünü kiutobo shahde thsümünimjih. Jumonü ju dangpung ki ju Horma de ji.

YUZÜNGTHALO 10:18

apinü mürerü tüsho khimoberü thsungkheak thiyuro rhimochoh, tüsho tsotsahrü muzhode, arü kilim tsühyungpü tüsho khimmih jihchoh.

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

YUZÜNGTHALO 23:8

Arü tsührübo lün mahsampü chingnü ründe Atungpuh mihtsürü lung bepü kuklah.

YUZÜNGTHALO 24:17

“Nünü khiungkerü yungsho mürerü dünkheaknü alim düthsümünim, yungsho thiyuchihchimkhi ching khimoberü khimmih dulu.