ABEKHIT 21:26 - AMÜSÜH HÜM CL Bible (BSI)

²⁶ “ Mihtsürü khülangnü anihbuh athrürü yungsho aliberü azhorü mük kheak laka thsümünimshihsho apinü mük dünkheak azhorü ju zuzu thsüde adükhebah.

ABEKHIT 21:26 Iomraidhean Croise

NEHEMIA 5:5

Keoniorü Jihudarü nangde isa tüsho isa tsührübo she arü ruk lang ah; tüshe isa tsührübo reangkih-a azhorü kuhi kamshih. Isa tsührü aliberü khürü a azhorü kuhi kamde yinabahdo, tüshe arhokhitlopü thsüde isa kheak süküp müla, tümüde isa lubo tüsho kurungasolubo mührü yo kamabahdo.”

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 10:18

mürerü tüsho junoa larü ki thiyuro rhimopü, junangde alomi mihtsürünü kheaküa mujuno.

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

ABEKHIT 21:20

“ Mihtsürü khülangnü anihbuh athrürü yungsho aliberü azhorü shitsonü laka ju kheak sheshihsho api athsümüchibah.

ABEKHIT 21:24

mük müthri mük, hü müthri hü, khah müthri khah, jing müthri jing,

ABEKHIT 21:25

atakkhi müthri atakkhi, yurikhi müthri yurikhi, alakkhi müthri alakkhi.

ABEKHIT 21:27

Apinü ahü lakkhijihsho apinü azhorü ju hü dün zuzu thsüde adükhebah.

EFISIA 6:9

Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

KOLOSI 4:1

Aputungrübo, nüsa she yinmi ching Aputungrü khülang lah de mükheahbah nüsa yamlarübo ki alungkinü tüsho tsüde mütrüang.