ABEKHIT 21:1 - AMÜSÜH HÜM CL Bible (BSI)

¹ “Kheakü nünü arübo miki zojihpü yuzüngbo ju harü labah:

ABEKHIT 21:1 Iomraidhean Croise

1 KIULONG THSÜRÜ 6:12

“Nünü thsüde alakhi ha thüyam dünkheaknü, mürangkhüh nünü I yakzanbo ching tsahsho, I yuzüngbo anisho, tüsho jurü ching tsahde I yukhümbo alala zosho, inü nü buh David kheak alokhikhi nü thsungkheak rhimobah.

2 KIUTHSÜYUKHEAN 19:10

küyimki kiutobo ching lakhi nü keoniorü kilimnü, thiyih bukkhi, yakzan yungsho thiyukhüm, yakzan thsükhi yungsho thiyuzüng dünkheak nü kilim mahkhappü lude arübanü, nüsanü arü ki thsangdangang, junangde arünü Atungpuh miki amülim müthsü tüsho nüsa le nüsa keoniorü kheak bukakhiukkhi marü. Rhimoang, tüsho nüsanü amülim müthsü.

NEHEMIA 10:29

keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

ABEKHIT 19:7

Jumonü Mosanü arübah mihtsürübo kurung azothsürü ji tüsho Atungpuhnü api ki thiyukhüm jihkhi harü yubo alala arü ki tha.

EZEKIEL 20:11

Inü arü kilim I yakzan thsükhibo jih tüsho I yakzanbo arü ki mükheahshih, tümüde jurü mihyu anikhi hode mihbüm aban alabah.

EZEKIEL 20:25

Kheaküshe amütsü thiyuzüngbo tüsho arü mülakhukbe yakzanbo inü arü kilim jih;

LEVI 18:26

Tüshe Israelrü yungsho nüsa lung larü khiungkerü thsüthsü, nüsanü I yakzan thsükhibo tüsho thiyuzüngbo zoang

LEVI 18:5

Nüsanü I yakzan thsükhi tüsho I yuzüngbo zoang; jude athsükhinü nüsa rhangdung labah, I Atungpuh .

LEVI 19:37

Nüsanü I yakzan thsükhibo tüsho I yuzüngbo alala yanang, tüsho jurü rhimoang: I Atungpuh ah.

LEVI 20:22

Jumonü nüsanü I yakzan thsükhi tüsho I yuzüngbo anide rhimoang, jude thsüsho inü nüsa lashihpü bede ayüpung Kanan lonü nüsa mülümkhita mübah.

MALAKI 4:4

I yamlarü Mosanü thsangyukhi, inü Israel alala thsungkheak Horeb ching thiyukhüm jihkhi yakzanbo tüsho yuzüngbo lümkhitang.

WÜHKHE 35:24

jumonü botonü mihtsürü laksahrü le ashebuh buhtsührü dükeak harü yakzan yande mahkhapjihbeah.

WÜHKHE 36:13

Harü ha Jirikho hobah Jordan ki, Moab dükhün ching Atungpuhnü Mosa hode Israel mihtsürü kilim jihkhi yukhüm tüsho yakzanbo ah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUZÜNGTHALO 15:12

“Nü keoniorü Ibrirü athrürü yungsho aliberü nü ki yinbahle kam thuruk tankihsho, kam athünepü ching a nünü api zuzu thsüde nü kheaknü dükheang.

YUZÜNGTHALO 4:14

Judüki nüsanü yübah müküh-a lupü lakhi lo ching rhimopü thsüde nüsa ki jurü thsangyushihpü Atungpuhnü I ki thiyukhüm jih.

YUZÜNGTHALO 4:45

harü ha Israel mihtsürü Ijip chingnü abekhitshu Mosanü Israel mihtsürü ki thakhi yukhüm, yakzan tüsho yuzüngbo,

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 4:8

Tüsho inü khihni nüsa miki yakzan tüsho thiyuro yuzüngbo zojihkhi nangde trükshih ato küju la?

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 5:31

Tüshe nü a I ki ha kheak zhipang, tüsho inü nü ki thiyukhümbo, yakzanbo, tüsho thiyuzüngbo nünü arü ki thsangyupü thsüde athabah, junangde inü arü kilim amükühpü jihkhi lo ching jurü anide arhimobah.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,

YUZÜNGTHALO 6:20

“Arübe kim ching nü tsührünü nü ki keokhibah, Thiyumütsan, yakzanbo, tüsho Atungpuh isa Thrünpuhnü nüsa ki thiyukhüm jihkhi ha amütsan tümüa?

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.