8 “Amunimung müsühde azopü lümkhitang.
Thrünpuhnü rhimode arükhi nimung thüne nipü arün thsü, tüsho api rhimo alala chingnü thüne nipü sühakhim.
Jumonü Thrünpuhnü nimung thünepü ju müngühjih tüsho tsangkhit, tümütüsho Thrünpuhnü thründe arükhi rhimo alala chingnü ha nimung apinü sühakhim.
Judüki Juda ching mihtsürübo Amuni kurungaso chingnü ake nitkhitde inü ngü. Püpürübo hi, yukhu, kurungaso, khubaso tüsho püpü kukruk hah thsüa donkibo hanshihbah Jirusalem lim yüde ngü; Amuni tümü she düyin de arü ki inü müzündoabah.
Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=
Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.
Atungpuhnü Mosa ki tha,
Judüki Mosanü Israel boto alala bemukhungbah arü ki tha, “Nüsanü arhimopü Atungpuhnü thiyukhüm jihkhi harü ah:
Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.
Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;
Atungpuhnü ha thachoh: Nüsa rhangdung thsungkheaknü amunimung hah mühanpü kümkangang yungsho Jirusalem chipiripitbo chingnü hande düyüzah.
Tüsho amunimung nüsa yam chingnü hah dühankhit yungsho rhimo tümü düthsü, tüshe inü nüsa jipürü ki thiyukhüm jihkhi nangde, amunimung müsühde zoang.
Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,
I amunibo müsühde zoang, junangde jurübo isa dükeak amütsan khülang labah. Judüki I Atungpuh nüsa Thrünpuh de nüsanü mükheahbah.”
Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.
I amunimung yihkhialung, tüsho I kingaünpung arüngyam kheak wüntreang. I Atungpuh ah.
Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.
Nüsanü I yo amunibo zoang tüsho I yo amüsüh dangpung wüntreang: I Atungpuh ah.
Kheakü Israelrübo sunglo ching lachoki, arünü mihtsürü khülang amunimung sang yihde ngü.
“Atungpuh nüsa Thrünpuhnü thiyukhüm jihkhi nangde nünü amunimung muang tüsho müsühde zoang.
