ABEKHIT 20:5 - AMÜSÜH HÜM CL Bible (BSI)

⁵ nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 20:5 Iomraidhean Croise

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 21:29

“Ahabnü I miki nihbuh zangrü aninikhüh kamkhi nünü ngünah? Tümütüsho apinü I miki aninikhüh kamdo, api nimungbo ching inü thsümütsü hande marü; tüshe api tsührü nimungbo ching inü api yamkhün ching thsümütsü hande arübah.”

2 KIULONG THSÜRÜ 17:35

Atungpuhnü arü ki tangzüng thsü tüsho thiyukhüm jih, “Nüsanü püpürü thrünpuhbo mükingaün yungsho nüsanü arü ki mukhukning yungsho arü mütankih yungsho arü ki laksah-a mükingaün,

2 KIULONG THSÜRÜ 17:41

Jumonü harü trükshihbonü Atungpuh kingaün, tüshe arünü athsükhi sangthsübo she tankih; khihni khiungde arü tsührübonü tüsho arü tsührü tsührübonü arü jipürünü arhimokhi nangde mutuklode rhimochoh.

2 KIULONG THSÜRÜ 23:26

Judüalalashe, Manasenü abukakhiukshihkhi alala dünkheaknü Juda azhihde api bukakhiukkhi chingnü Atungpuhnü murholo.

2 KIULONG THSÜRÜ 5:18

Tüshe khülang dünkheaknü nü yamlarü ki Atungpuhnü neak bahshang: küyimki I putungrü kingaünpü I bin kheak angükihbah Rimmon yam ching yüzahba, tüsho I Rimmon yam ching khukningbanü, ha dünkheak Atungpuhnü nü yamlarü ki neak bahshang.”

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

2 KIUTHSÜYUKHEAN 25:14

Küyimki Amazianü Edomrü laksahkhi chingnü arükhea, apinü Seir mihtsürü thrünpuhbo lulobah arü. Apinü jurü anihbuh thrünpuhbo thsüde zhipshihbah arü ki mükhüm tüsho arü ki kingaünkhibo tak.

2 KIUTHSÜYUKHEAN 7:19

“Tüshe nünü anguhde I yakzanbo tüsho inü nü miki zojihkhi thiyukhümbo bahyuksho, tüsho tsobah püpürü thrünpuhbo tankihde arü kingaünsho,

JOB HU H T ANYU 21:19

Nüsanü thachoh, “Apinü alakmihkhi api tsührü kilim zojihchoh.” Ju api ki jihloshang, junangde apinü ju mükheahbah.

JOB HU H T ANYU 5:4

Arü tsührübo akhümkhitpü chingnü limshude lah, arübo ripit ching zükih-a lah, tüsho arü bekhitpü she müla.

MUNGSHIKHÜN 109:14

Anihbuh jipürü mülimkhi Thrünpuh miki lümkhitshang, tüsho anihbuh abe neak nankhita dübahshih.

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

MUNGSHIKHÜN 79:8

O, isa azhihde adüso neakbo dülümkhitjih; nü amüthsüm isa shorupü chithsade arüshang, tümüde isa khide abobe kamshihdo.

MUNGSHIKHÜN 81:15

Atungpuh thraneanrünü api miki trede mükhümbah, tüsho arü thsümüchi lünnü alabah.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 34:14

Püpürü thrünpuh tümü dükingaün, tümüde Atungpuh shepü mung mükthsü lanü, mükthsü Thrünpuh ah.

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

ISAIA 44:15

Jushu mihtsürünü mokhih thsüpü kuklah. Ha chingnü apinü lubah nihbuh thüyüpchoh; apinü mo takkihchoh tüsho yikhap damchoh. Jushu apinü thrünpuh thsüchoh tüsho kingaünchoh, sangthsü khülang thsüchoh tüsho ju miki khukningchoh.

ISAIA 44:19

Shenü mulong ching lümamükheah, yungsho mümükheahmudu yungsho anikhitde mütha, “Ha chamkhüh inü mo ching takdo; ha mokhihbo kheak inü yikhap she damdo, inü shih ngudo tüsho tsüh. Kheakü ha aningkhi inü athraneanbe kamshihba de? Inü sang-sümkhi miki khukningba de?”

JEREMIA 2:9

Jumonü khülang ki inü nü thürühlochoh, Atungpuhnü thachoh, tüsho inü nü tsührü tsührübo thürühchoh.

JEREMIA 32:18

Nünü chithürü lün ki muzhodakde huh, tüshe berübuhrü neakbo arü tsührübo khüh kheak zojih, O ato tüsho Wuto Thrünpuh, shepü mung Wuto Atungpuh la,

EZEKIEL 18:19

Tütüshe nünü thachoh, “Tümüde tsührünü nihbuh abuh amülim mühanrung le?” Tümütüsho tsührü junü thiyuro tüsho alungki rhimodo tüsho kümkangde I yakzan thsükhibo zodo, api tsükjide alabah.

EZEKIEL 18:2

“Bebuhrünü kurungaso asan tsüh, tüsho tsührübo hü mütramlah” de ha müchityu Israel lomi dünkheak thakhi ha amütsan tümü a?

EZEKIEL 20:7

Tüsho inü arü ki tha, “ Nüsa mihbüm abannü nüsa mük ki lakhi athraneanbe mejakbo yihkhita bahang, tüsho Ijip sangthsü kheak nü dümünean. I Atungpuh nüsa Thrünpuh.”

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

LEVI 20:5

inü ju buh mihtsürü le api yamkhün kheak azhihbah; tüsho arü le arü yande Molek kheak müzammüramrü alala arü mihtsürü bolungnü khekhita bahbah.

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

LEVI 26:29

Nüsanü nihbuh tsührü le tsührübebo shih tsühbah.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

WÜHKHE 14:33

Tüsho nüsa tsührübo sunglo ching kam yirü rümde atsahbah, tüsho nüsa ashemi sunglo chingnü mükheam khiungde nüsanü thiyuro mülakhi dünkheak thsünübah.

WÜHKHE 25:11

“ Amükeambuh Aron kheak yo, Eleazar tsührü Phinehasnü I bukakhiukkhi Israelrü kheaknü tsoloshihdo; tümütüsho inü arü bolung mulongkhi kheak apinü mulongkhit, junangde inü I mükthsükhi ching Israelrübo müdükheakshih.

MATHI 4:9

Tüsho apinü anihbuh ki tha, “Nünü mükhümbah I kingaünsho harü alala inü nü kilim jihbah.”

JOHAN 15:18

“Alominü nüsa thraneansho, nüsa müthraneanyide I thraneando de nüsanü mükheahang.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

JOHAN 9:2

Tüsho api jingyanrübonü api ki keokhi, “Rabbi, api mük tuka zübekhi ju ha mihtsürünü a shi api berübuhrünü neak yihbeakkhea?”

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

ROMRÜ KILIM PAULNÜ ATHRÜTKHI KIHÜM HUHTANYU 8:7

Tümüde shih kheak mulong zokhi ju Thrünpuh kilim thiriri; junü Thrünpuh yakzan ki mümükhümkhuk, yungsho junü müthsükhuk;

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.

YUZÜNGTHALO 4:24

Tümüde A TUN GPU H nüsa Thrünpuh ju muliuabahbe mo nangde mükthsübuh Thrünpuh lah.

YUZÜNGTHALO 5:10

tüshe I muzhorü tüsho I yukhüm anirü; chithürübo kilim amüthsüm huhchoh.

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 6:15

tümüde nüsa lung lakhi Atungpuh nüsa Thrünpuh ju mükthsübuh Thrünpuh; jude yungsho Atungpuh bukakhiukkhi nüsa kheak labah, tüsho apinü nüsa alomi kheaknü dükheakshihbah.

YUZÜNGTHALO 7:10

tüshe api thraneanrü thsümüchipü apinü mudukiuhlo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.