ABEKHIT 20:4 - AMÜSÜH HÜM CL Bible (BSI)

⁴ “Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

ABEKHIT 20:4 Iomraidhean Croise

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

2 KIULONG THSÜRÜ 17:12

arünü sangthsübo tankih, küpü Atungpuhnü arü ki tha, “Nüsanü ha dürhimo.”

2 KIUTHSÜYUKHEAN 33:7

Apinü athsükhi sangthsü Thrünpuh yam ching zo, küpü dünkheak Thrünpuhnü David tüsho api tsührü Solomon ki tha, “Ha yam ching, tüsho Jirusalem ching, küpü inü Israel trük alala bolungnü amokhitkhea, inü I mung lünnü azobah;

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ABEKHIT 20:23

Nüsanü I kheak atrude shotoyinchi thrünpuhbo, suna thrünpuhbo nüsa thsungkheak tümü düthsü.

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 32:23

Tümüde arünü I ki tha, ‘Isa müngüh yüpü thrünpuhbo thsüjang; tümütüsho isa Ijip lomi chingnü bekhitbuh Mosa kheak tümü dünjia lanü isanü mümükheah.’

ABEKHIT 32:4

Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ABEKHIT 34:17

“Nüsanü azünkhi thrünpuhbo düthsü.

ISAIA 42:17

Arübo arholobah tüsho abümnü achih ngübah– sherünü azünkhi sangthsübo kheak kincho, sherünü anungkhi sangthsübo ki thacho, “ Nü isa thrünpuh.”

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 45:16

Arü alala achih ngüshih tüsho yingyingshih, sangthsü thsürübo rukhühnü yingyinglah.

EZEKIEL 20:7

Tüsho inü arü ki tha, “ Nüsa mihbüm abannü nüsa mük ki lakhi athraneanbe mejakbo yihkhita bahang, tüsho Ijip sangthsü kheak nü dümünean. I Atungpuh nüsa Thrünpuh.”

EZEKIEL 8:10

Jumonü inü yüzah tüsho kheah, tüsho rhübo kheak chinde atsahbe, athraneanbe shiwühbo thrünkihkhi tüsho Israel yamkhün sangthsübo alala ngü.

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

LEVI 19:4

Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

ROMRÜ KILIM PAULNÜ ATHRÜTKHI KIHÜM HUHTANYU 1:23

tüsho amüshebe Thrünpuh müretah ju ashebe mihtsürü, wuhnubo, shiwühbo yungsho phurutobo mejak dün müthriachih.

YUZÜNGTHALO 16:22

Atungpuh nü Thrünpuhnü athraneankhi amüsüh dungjing nünü dükhim.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 5:8

Nünü nü thsungkheak tümükhüh sangthsü, yungsho thüning le alomi yungsho alomi bukkhüp ke ching lakhi tümükhüh kiphahde düthsü;

AMIKHEAKAKHIUKKHI 16:2

Jumonü akhuhbuh yunirünü yü tüsho api phurusük ju alomi kheak dunga bah, tüsho shiwüh areak hanrü tüsho ju mejak kingaünrü mihtsürü kheak amünean tüsho amütsü mübo akhiuk.

AMIKHEAKAKHIUKKHI 9:20

Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;

MAHKHAPRÜ 17:3

Jumonü küyimki apinü shotoyinchi 1100 ju abe kilim jihlokhea, abenü tha, “Inü I tsührü thsungkheak sangthsü thsüjihpü I khah ching shotoyinchi Atungpuh kilim abümnü müsühkhitdo; jumonü nü kilim jihlobah.”