ABEKHIT 20:25 - AMÜSÜH HÜM CL Bible (BSI)

²⁵ Tüsho nüsanü I thsungkheak lungnü kingaün sadam thsüsho, ju nüsanü akheanrüpkhi lungnü düthsü; tümüde nüsanü ju kheak müzam ahorisho, nüsanü ju müneando.

ABEKHIT 20:25 Iomraidhean Croise

1 KIULONG THSÜRÜ 6:7

Thüyam ju lung-lahpung chingnü azünkhi lungbonü athsükheah, jumonü thüyam thsüchoki yümlung yungsho müzam yungsho yinchi kukruk tümü khün she muso.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

EZEKIEL 40:42

Kheaküshe ju ching taka kingaünpü thsungkheak akheankhi lung dükhüm phüyi lakheah, ashanglim khahnap 1 kheak thripkhüh, tüsho atolim khahnap 1 kheak thripkhüh, tüsho achanglim khahnap 1, ju kheak laksah-a kingaünpü laksahbe kukrukbo zode alakheah.

JIHUSUA 8:31

Atungpuh yamlarü Mosanü Israelrü kilim thsangdankhi, Mosa yakzan hüm ching lakhi yande apinü rhimo: “Yinbeannü mükheankhukkhi lungnü kingaün sadam thsü.” Arünü ju kheak Atungpuh kilim taka kingaün tüsho mungtsü kingaün jih.