ABEKHIT 20:24 - AMÜSÜH HÜM CL Bible (BSI)

²⁴ Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 20:24 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

1 KIULONG THSÜRÜ 8:29

junangde are tüsho animung, ‘ Ju ching I mung labah,’ de nünü athakhi dangpung ha yam lim nü müknü akheahbah, junangde nü yamlarünü ha yam lim tamkhüntamnüchoki nünü anibah.

1 KIULONG THSÜRÜ 8:43

judüki nü lapung yinmi chingnü sojang, tüsho khiungkerünü nü ki jikhi yande alala rhimoang, junangde nü mihtsürü Israelnü arhimokhi ruk, lomi mihtsürü alalanü nü mung mükheahbah tüsho nü trebah, tüsho junangde inü athsükhi ha yam ching nü mung jia lah de arünü amükheahbah.

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIULONG THSÜRÜ 5:17

Judüki Naamannü tha, “Jude yungsho, muzhobah alo khoranunu hah 2 nü yamlarü kilim jihang; tümüde nü yamlarünü küyimkishe taka kingaünkhi yungsho laksah-a kingaünkhi Atungpuh hode püpürü thrünpuh kilim müjih.

2 KIUTHSÜYUKHEAN 12:13

Jumonü kiulongthsüpuh Rehoboamnü Jirusalem ching anihbuh küdah thsüde düküngde kam tüsho kiulongthsü. Rehoboam kiulongthsüpü tankihchoki kam 41 azorü lakheah; Atungpuhnü api mung zopü Israel trük alala chingnü amokhitkhi kiuto Jirusalem ching apinü kam thürükheak thüne kiulongthsü. Abe mung Amonrü Naama lakheah.

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

EZRA 6:12

Ha yukhüm manirü tüsho arüngyam thsümünimrü kiulongthsürü yungsho mihtsürübo, api kingaünshihpü thsüde Jirusalem dangpung mokhitbuh Thrünpuhnü bahyukshang. I Dariusnü ha yukhüm jihchoh; ha dükde arhimobeah.”

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 122:2

Isa jing nü chipiripit ching zhiplah, O Jirusalem!

MUNGSHIKHÜN 128:5

Atungpuhnü Zion chingnü müngühshang, tüsho nü rhangdung nimungbo alala ching nünü Jirusalem tsükhi ngüang shi.

MUNGSHIKHÜN 134:3

Thüning tüsho alomi thrünrü Atungpuhnü Zion chingnü nü müngühjihchoh!

MUNGSHIKHÜN 74:7

Arünü nü arüngakopung kheak mo thsahkihdo; arünü nü mung lapung alo kheak müneando.

MUNGSHIKHÜN 76:2

Salem ching she api arüngkhimyam lah, tüsho Zion ching api lapung lah.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

ABEKHIT 10:25

Tüshe Mosanü tha, “Nünü isa kilim laksah-a kingaünbe tüsho taka kingaünbebo she ajihbeah, junangde isanü Atungpuh isa Thrünpuh kilim kingaünbah.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

ABEKHIT 20:25

Tüsho nüsanü I thsungkheak lungnü kingaün sadam thsüsho, ju nüsanü akheanrüpkhi lungnü düthsü; tümüde nüsanü ju kheak müzam ahorisho, nüsanü ju müneando.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

ABEKHIT 27:1

“Akasia sangnü kingaün sadam achanglim khahnap 3nü thsang; ayunglim khahnap 5 tüsho atolim khahnap 5 shahrihkhühnü thsang.

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

LEVI 17:9

ashorupung khimyam ripit ki Atungpuh ki shuhmülanga jihpü hande marüsho, ju mihtsürü Thrünpuh mihtsürü bolungnü khekhita bahbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 12:21

Atungpuh nü Thrünpuhnü api mung zopü mokhitkhi dangpung ju nü kheaknü khide limshusho, inü nü ki thiyukhüm jihkhi yande, Atungpuhnü nü kilim jihkhi moshi yungsho mihnu khürü laksahang; tüsho thüyam chingnü nü künthülün tsühpü kuklah.

YUZÜNGTHALO 12:5

Tüshe Atungpuh nüsa Thrünpuhnü api lapung thsungkheak api mung zopü nüsa trükbo lungnü amokhitkhi dangpung nüsanü yimang; tüsho ju ching nüsa yübah.

YUZÜNGTHALO 14:23

Tüsho nünü kingaünkhi hi, yukhu aso tüsho oliv müdangke, tüsho moshi le mihnu boto chingnü akhuh adrekhi api mung lashihpü mokhitkhi dangpung ching Atungpuh nü Thrünpuh mikinü tsühang, junangde nünü kamruhroro Atungpuh nü Thrünpuh wüntrepü mükheahbah.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 26:2

nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;