ABEKHIT 20:2 - AMÜSÜH HÜM CL Bible (BSI)

² “I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 20:2 Iomraidhean Croise

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

2 KIULONG THSÜRÜ 17:12

arünü sangthsübo tankih, küpü Atungpuhnü arü ki tha, “Nüsanü ha dürhimo.”

2 KIULONG THSÜRÜ 17:7

Ha dünji tümütüsho Israel mihtsürünü arü Ijip kiulongthsüpuh khah ching Ijip lomi chingnü bekhitbuh arü Thrünpuh Atungpuh azhihde neak yihbeak. Arünü püpürü thrünpuhbo kingaün

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

MUNGSHIKHÜN 50:7

Aniang, O I mihtsürü, tüsho inü asukanü, O Israel, inü nü azhihde thiyumütsan jihanü. I Thrünpuh, nü Thrünpuh ah.

MUNGSHIKHÜN 81:10

I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

MUNGSHIKHÜN 81:11

Tüshe I mihtsürünü I düsheak mani, tüsho Israelnü I ki mihyumani.

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 15:13

“Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 20:1

Tüsho Thrünpuhnü harü yubo alala asukde tha:

ABEKHIT 29:46

Arünü I ju Ijip chingnü arü bekhitkhi Atungpuh arü Thrünpuh ah de amükheahbah, junangde I arü bolung labah. I Atungpuh arü Thrünpuh ah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

JEREMIA 16:14

Jumonü, tsükjide nimungbo arado, Atungpuhnü thachoh, küyimki ha müthade akamba, “ Ijip lomi chingnü Israel bekhitbuh Atungpuh lale,”

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 34:13

Atungpuh , Israel Thrünpuhnü ha thachoh: Inü nüsa jipürü azhorü yamkhün chingnü bekhitchoki inü arü ki tangzüng khülang thsüde tha,

EZEKIEL 20:19

I Atungpuh nüsa Thrünpuh; I yakzan thsükhibo yanang tüsho I yakzanbo zopü kümkangang.

EZEKIEL 20:5

tüsho arü ki thaang: Wuto Atungpuhnü ha thachoh: Inü Israel mokhit nimung, inü I khah shuhkihde Jakob yamkhün tsühsoniuso ki thiyuchihchim thsü tüsho Ijip ching arü ki I akhiuka huh. I khah shuhkihde inü arü ki tha, “ I Atungpuh nüsa Thrünpuh.”

EZEKIEL 20:7

Tüsho inü arü ki tha, “ Nüsa mihbüm abannü nüsa mük ki lakhi athraneanbe mejakbo yihkhita bahang, tüsho Ijip sangthsü kheak nü dümünean. I Atungpuh nüsa Thrünpuh.”

HOSEA 12:10

Inü wukihrübo ki asuk; inü michihbo hihde kamshih, tüsho wukihrübo hode inü athsümünim hande arübah.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

LEVI 19:36

Sangkhik dükde, wuh-a adünbe dükde, keluh tüsho adünarabebo nüsanü dükde ahoribeah: I nüsa Ijip lomi chingnü bede akhiukbuh Atungpuh nüsa Thrünpuh ah.

LEVI 23:43

jude athsükhi hode Atungpuhnü Israel mihtsürübo Ijip chingnü abekhitchoki khimyam yancho ching binshih-a lah de nüsa tsühsoniusobonü amükheahbah: I Atungpuh nüsa Thrünpuh.

LEVI 25:38

I Atungpuh nüsa Thrünpuhnü nüsa kilim Kanan lo jihpü tüsho nüsa Thrünpuh thsüshihpü nüsa Ijip lomi chingnü bekhit.

LEVI 25:42

Tümüde arübo I yamlarübo, inü Ijip lomi chingnü abekhitkheah, arü azhorü nangde ayinpü mukuk.

LEVI 25:55

Tümüde Israelrü tsührübo ju I yamlarübo ah; inü Ijip chingnü abekhitkhi I yamlarübo: I Atungpuh nüsa Thrünpuh.

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

LEVI 26:13

I Atungpuh nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 3:29

Yungsho Thrünpuh ju Jihudarü Thrünpuh lang a de? Api ju khiungkerü Thrünpuh she yung de? Am, khiungkerü thsungkheak she ah,

YUZÜNGTHALO 13:10

Tüsho nüsanü api lungnü arusahbah, tümütüsho apinü Atungpuh nü Thrünpuh shepü hode Ijip lo tüsho azhorü yamkhün chingnü abekhitkheanü, api kheaknü bephülapde atsopü rük yim.

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.

YUZÜNGTHALO 5:6

I nüsa Ijip lomi, azhorü kuhi chingnü abekhitbuh Atungpuh nüsa Thrünpuh.

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.

MAHKHAPRÜ 6:10

tüsho inü nüsa ki tha, ‘I Atungpuh nüsa Thrünpuh; nüsanü nüsa lakhi lo ching Amorrü thrünpuhbo ki wüntre müjihbeah.’ Tüshe nüsanü I yu mani.”