ABEKHIT 20:17 - AMÜSÜH HÜM CL Bible (BSI)

¹⁷ “Nünü nü yamhingrü yam dülune; nünü nü yamhingrü niuberü, ayamlarü, ayamlaberü, api moshipung, donki yungsho api lakhi tümü dülune.”

ABEKHIT 20:17 Iomraidhean Croise

THRÜNTAN 14:23

junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah.

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 34:23

Arü akam-shiwühbo, arü lakhit, tüsho arü shiwüh lüpdükhi isa yo thsüpü yung de? Isanü lang arü ki anianü, tüsho arünü isa lung labah.”

JOB HU H T ANYU 31:1

Inü I mükbo bede tangzüng khülang thsüdo; dale küde thsah inü anünürü kheak kheahkhukpü?

JOB HU H T ANYU 31:9

Inü aliberü khülang ki mürüh-a lasho, tüsho I yamhingrü khimdopü ki münitde aleanga lasho;

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MUNGSHIKHÜN 119:36

Nü yakzan thsükhibo lim I mulong rholoshang tüsho mükhütmüra alü thsükhi lim yung.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

MÜCHITMUDU 6:29

Jumonü püpürü mihtsürü niuberü lung müyamkhi ju api yung de; anihbe qiurü sheshe müthsümüchidüa mutso.

T H S AN GYU T H S AN GR ARÜ 4:8

bümlangzü zhikrangkhündo, tsührübo tüsho keoniorübo mülade khürü lah; tütüshe api rhimo alala ching arün müla, tüsho api lakhit kheak api mük mümi. Apinü küyimkishe mükeokhi, “ I ha she thsungkheak rhimocho, tüsho I a asüh-a mulu le?” Ha she akeangkeang tüsho masühbe rhimo lah.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

ISAIA 57:17

Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.

JEREMIA 22:17

Tüshe nü mükbo tüsho mulong thiyuro mülakhi alü thsüpü amülim mülarü thiyih bukpü, tüsho juno-rhimopü tüsho athsümünim-yakli rhimopü lang ah.

JEREMIA 5:8

Arübo ju tsüde yimkipkhi khorapung nangde, nihbuh yamhingrü niuberü mürühchoh.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

MIKA 2:2

Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

HABAKKUK 2:9

“ Nüsa sherü nüsa yambo thsungkheak amülim alü thsükhinü, thsünimthsüshi chingnü khümkhitpü thsüde nüsa sap achang kheak lanü are!”

MATHI 20:15

Inü I kukruk kheak I lümkhi rhimopü I alim yung de? Yungsho I salamo nüsanü lungkhangla de?’

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

YUNIRÜBO RHIMO 5:4

Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.”

ROMRÜ KILIM PAULNÜ ATHRÜTKHI KIHÜM HUHTANYU 13:9

Thiyuzüngbo, “Nünü müzammüram düthsü, nünü dülaksah, nünü dahüh, nünü yihnelune düla,” tüsho thiyuzüng püpü tharüpkhi ju, “Nünü nihbuh nangde nü yamhingrü muzhoang.”

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

EFISIA 5:3

Tüshe nüsa bolung müzammüram tüsho mümüsühkhi alala yungsho yihnelune athashe müthabeah, tümütüsho amüsührü bolung ju maye.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

YUZÜNGTHALO 5:21

“Nünü nü yamhingrü niube dümürüh; tüsho nü yamhingrü yam, thulu, yamlarü athrürü tüsho aliberü, moshipung, donki, yungsho api lakhi tümü she dülune.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 15:19

Dale tümü thsükhi nünü Atungpuh yu manikhea? Tümüde nünü ayankhikhi kukruk lim nanachihde yükikhea tüsho Atungpuh miki amütsübe rhimokhea?”