ABEKHIT 20:14 - AMÜSÜH HÜM CL Bible (BSI)

¹⁴ “Nünü müzammüram düyihbeak.

ABEKHIT 20:14 Iomraidhean Croise

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

LEVI 18:20

Püpürü niuberü lung düyap; junü nü müneanshihbah.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

WÜHKHE 5:12

Israelrü mihtsürübo ki thaang, mihtsürü khürü niuberünü chamkhide tsosho tüsho api azhihde thiyuro mülakhi rhimosho,

MATHI 19:18

Apinü anihbuh ki tha, “Küpü a?” Tüsho Jisunü alo, “Nünü dülaksah, nünü müzammüram düthsü, nünü dahüh, nünü arükchih thiyumütsan düthsü,

ROMRÜ KILIM PAULNÜ ATHRÜTKHI KIHÜM HUHTANYU 13:9

Thiyuzüngbo, “Nünü müzammüram düthsü, nünü dülaksah, nünü dahüh, nünü yihnelune düla,” tüsho thiyuzüng püpü tharüpkhi ju, “Nünü nihbuh nangde nü yamhingrü muzhoang.”

YUZÜNGTHALO 5:18

“Nünü müzammüram düthsü.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JAKOB 2:11

Tümütüsho khürünü, “Müzammüram düyihbeak,” kheaküshe, “Dülaksah,” de tha. Nünü müzammüram müyihbeak tüshe laksahsho, nü ju yakzan thsümünimrü kamdo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”