ABEKHIT 2:3 - AMÜSÜH HÜM CL Bible (BSI)

³ Küyimki alibenü api mümüyimkhukde akamkhea, anihbenü khiuktonü akeakkhi muluk khülang dükhühnü müjimdo, tüsho khungarü ju ching shuhyukbah kemungyean pheang rung ching zo.

ABEKHIT 2:3 Iomraidhean Croise

THRÜNTAN 11:3

Arü khülangnü khülang ki thaachih, “Arang, isanü lotaklung thsanü tüsho düshihde zünanü.” Arünü lung müthri lotaklung, tüsho alozhihzhih müthri dükhüh lu.

THRÜNTAN 14:10

Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü.

THRÜNTAN 6:14

Nü thsungkheak gofer sangnü sangkung khülang thsang; sangkung ching akhiungshakbo thsang, tüsho alunglim le aleanglim dükhühnü müjimdoang.

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

ISAIA 18:2

limburü Nile chingnü, sangküp-sangkung ching kenü kheaknü arüshihchoh! Yüang, nüsa athrikhi yunithsürübo, ashang tüsho küp-shahshah trükshih kilim, aphüni tüsho limshu ching trede alakhi mihtsürü kilim, wu-sühmüh lakhi tüsho akuk ngükhi trükshih kilim, shepü lomi ayungbonü chamnakbah la.

ISAIA 19:6

kerubo müneanbah tüsho Ijip yo Nile khah chamnakkhibo akheambah tüsho ngahabahbah, khiukbo tüsho pheangbo yiuhabahbah.

ISAIA 35:7

takde alakhi loyi ju muliuke kambah tüsho kethürikhi lo ju kenü kambah; Shirung lapung ching rimkiu, kiupungbo tüsho khiukbo mukhuhbah.

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

YUNIRÜBO RHIMO 7:19

Apinü isa mihtsürü le isa jipürübo, arü khungarübo asheshihpü thüyam chingnü yihkhita bahpü nimkih tüsho junode rhimo.