ABEKHIT 2:24 - AMÜSÜH HÜM CL Bible (BSI)

²⁴ Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 2:24 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 16:11

Kheahang, nü khungarü lah. Nünü athrürü khülang zübebah. Nünü api mung Ishmael de ajibah, tümütüsho Atungpuhnü nü thsünükhi sojihdo.

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 22:16

tüsho tha: “Inü ha thiyuchihchimdo, Atungpuhnü thachoh, tümütüsho nünü nü tsührü khülang lang alakhi tukloa muzode rhimodo,

THRÜNTAN 26:2

Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

MUNGSHIKHÜN 102:2

I küpkhuk nimung nü miro I kheaknü düjik; I kilim nü nükhün muphoang; inü nü ji nimung I ki niokheamde alojang.

MUNGSHIKHÜN 102:20

aramrü ashekhi anipü, ashepü akhua larü trünkhipü,

MUNGSHIKHÜN 105:42

Tümüde apinü api amüsüh alokhikhi tüsho ayamlarü Abraham lümkhit.

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 22:24

Apinü zhochihrü mülümmuwuh yungsho arü thsünükhi amümürang müthsü; apinü arü kheaknü rholode mutso, tüshe arünü arung thsungkheak zhichoki alojihchoh.

MUNGSHIKHÜN 22:5

Arünü nü ki zhi, tüsho bekhit; arünü nü kheak kin, tüsho achih müngü.

MUNGSHIKHÜN 79:11

Ramyukrü ashearakhi nü miki arüshang; nü wu tokhi yande ashepü akhua larü küma lashang;

ABEKHIT 6:5

Kheaküshe Ijiprünü azhorü kuhi ching zojihkhi Israelrü ashekhi inü so, tüsho inü tangzüngkhi lümkhit.

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

YUNIRÜBO RHIMO 7:34

Tsükjide Ijip ching arü thsümüchikhi tüsho arü ashekhi inü sodo, tüsho arü bekhitpü I akikheah. Kheakü arang, inü nü Ijip lim yüshihanü.’

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”