ABEKHIT 2:23 - AMÜSÜH HÜM CL Bible (BSI)

²³ Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ABEKHIT 2:23 Iomraidhean Croise

THRÜNTAN 16:11

Kheahang, nü khungarü lah. Nünü athrürü khülang zübebah. Nünü api mung Ishmael de ajibah, tümütüsho Atungpuhnü nü thsünükhi sojihdo.

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

NEHEMIA 9:9

Isa jipürü Ijip ching thsünükhi nünü ngü; Amürüm Keto ching arünü arung kheangde azhikhi nünü so.

JOB HU H T ANYU 35:9

Tümütüsho junokhi hihkhi hode mihtsürübonü zhichoh; khürünü arü khümkhitshihpü thsungkheak jichoh.

MUNGSHIKHÜN 102:1

I tamkhüntamnü sojang, O Atungpuh , tüsho inü azhikhi nü ki arüshang.

MUNGSHIKHÜN 102:2

I küpkhuk nimung nü miro I kheaknü düjik; I kilim nü nükhün muphoang; inü nü ji nimung I ki niokheamde alojang.

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

ABEKHIT 1:14

Arünü dujunglo le lotaklung tüsho thulu ching rhimo mungji alala müküpde rhimoshihkhinü arü rhangdung thsünüshih. Arünü rhimo alala ching arü thsümüchide rhimoshih.

ABEKHIT 4:19

Kheaküshe Midia ching Mosa ki Atungpuhnü tha, “Ijip ching alode yüang, tümütüsho nü laksahpü yimrübo alala shekhamdo.”

ABEKHIT 6:5

Kheaküshe Ijiprünü azhorü kuhi ching zojihkhi Israelrü ashekhi inü so, tüsho inü tangzüngkhi lümkhit.

ABEKHIT 6:9

Jumonü Mosanü Israelrü ki ha tha; tüshe arü mulong masühkhi tüsho thsümüchi azhorü kuhi lakhinü arünü Mosa ki mani.

ABEKHIT 7:7

Anenü Pharao ki asukchoki Mosa kam 80 tüsho Aron kam 83 azorü lakheah.

ISAIA 19:20

Ha Ijip lomi ching Wuto Atungpuh kilim amütsan tüsho thiyumütsan khülang labah; küyimki ajunorü dünkheaknü arünü Atungpuh ki zhibanü, apinü arü kilim akhümkhitrü khülang yüshihbah, tüsho atsungdobah tüsho arü bekhitbah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

YUNIRÜBO RHIMO 7:30

“Küyimki kam yirü hokhea, Sinai Müzüng sunglo, sangrung ching yunirü api ki akhiuk.

YUZÜNGTHALO 24:15

Nimung aban ani müyüzahyide nünü api mihkhah mo jihang tümüde api zhochihrü ah tüsho ju kheak api mulong dükinkihlah; jude yungsho apinü Atungpuh ki nü azhihde azhibah, tüsho ju nü kheak neak labah.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.

1 SAMUEL 12:8

Küyimki Jakob ju Ijip ching yükhea tüsho Ijiprünü arü junokhea, judüki nüsa jipürünü Atungpuh ki zhi tüsho Atungpuhnü Mosa le Aron ane thiyia, nüsa jipürü Ijip chingnü bekhitbah arübo ha dangpung ching lashih.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”