ABEKHIT 19:6 - AMÜSÜH HÜM CL Bible (BSI)

⁶ Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 19:6 Iomraidhean Croise

1 KIULONG THSÜRÜ 3:8

Tüsho nü yamlarü a nünü amokhitkhi khea kheahpü hihdakkhi yungsho mükhekhukkhi boto ato mihtsürü bolung ching lah.

1 KIULONG THSÜRÜ 8:53

Tümüde nünü isa jipürü Ijip chingnü bekhitchoki, nünü Mosa hode alokhikhi nangde nü yamrüplurüp thsüpü arübo lomi mihtsürü alala lungnü nünü arü bemuwuhdo, O Atungpuh T HRÜNPU H.”

1 KIUTHSÜYUKHEAN 17:22

Tüsho nünü nü mihtsürü Israel lünnü nü mihtsürü thsüpü kamshih; tüsho O Atungpuh , nü arü Thrünpuh kam.

MUNGSHIKHÜN 114:2

Juda api arüngakopung, tüsho Israel api yamalo kam.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 22:31

“Tüsho nü I mihtsürü amüsüh labah: nünü thulu ching arishiwühnü anguhsahkhi shih tümü dütsüh; nünü ju khihnu kilim jipa bahang.

ABEKHIT 28:36

“Suna müthsünnü kutsünpü khülang thsang tüsho mütsanyüm kheak nangde ju kheak ha thrütkihang: ATUNGPUH KILI M A MÜSÜH .

ISAIA 43:4

Tümütüsho nü I miki shoto lah, tüsho akinashu lah, tüsho inü nü muzholah, inü nü müthri mihtsürübo, nü rhangdung müthri trükshihbo jihchoh.

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 66:21

Tüsho inü arübo khürü amükeamrü tüsho Levirü nangde alubah, Atungpuhnü thachoh.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

LEVI 20:26

Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

LEVI 21:23

tüshe apinü azhindokhi yungsho kingaün sadam phünide marü, tümütüsho api mütsümüyang, junangde apinü I yo amüsüh dangpungbo mümünean; tümüde I Atungpuh ; inü arü müsühkhit.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

1 KORINT 3:17

Khürünü Thrünpuh arüngyam thsümünimsho, Thrünpuhnü api thsümünimbah. Tümüde Thrünpuh arüngyam amüsüh, tüsho ju arüngyam nüsa ah.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

YUZÜNGTHALO 26:19

tüsho apinü nüsa mungshimungthu tüsho wüntre jihkhi ching trükbo kurungkheak shuhkihbah, tüsho apinü athakhi nangde, Atungpuh nüsa Thrünpuh miki nüsa amüsüh mihtsürü thsübah.”

YUZÜNGTHALO 28:9

“Nüsanü Atungpuh nüsa Thrünpuh yukhüm anisho tüsho api limro ching tsahsho Atungpuhnü nüsa ki thiyuchihchimkhi nangde nüsa api kilim amüsüh mihtsürü kamshihbah.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

1 TESALONIKA 5:27

Ha kihüm keoniorü alala ki kheang de Atungpuh hode inü nüsa ki mushuchoh.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”