ABEKHIT 19:5 - AMÜSÜH HÜM CL Bible (BSI)

⁵ Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 19:5 Iomraidhean Croise

THRÜNTAN 17:9

Thrünpuhnü Abraham ki tha, “Nü thsungkheaknü, nü tüsho nü dunglim nü tsühsoniusobonü arü lünbo alala ching I tangzüng zoang.

1 KIULONG THSÜRÜ 8:53

Tümüde nünü isa jipürü Ijip chingnü bekhitchoki, nünü Mosa hode alokhikhi nangde nü yamrüplurüp thsüpü arübo lomi mihtsürü alala lungnü nünü arü bemuwuhdo, O Atungpuh T HRÜNPU H.”

1 KIUTHSÜYUKHEAN 17:22

Tüsho nünü nü mihtsürü Israel lünnü nü mihtsürü thsüpü kamshih; tüsho O Atungpuh , nü arü Thrünpuh kam.

JOB HU H T ANYU 41:11

Shepünü api yankhitkhukba tüsho khümkhitba? Alomiküp ching shenü she ju müthsükhuk.

JOB HU H T ANYU 41:3

Apinü nü ki ahihdoki mushuba de? Nü ki thiyu thünakde athaba de?

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 25:10

Api tangzüng tüsho yukhümbo anirü alala apinü thiyuro tüsho amüthsümnü bechoh.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 23:22

Tüshe nüsanü api düsheak anisho tüsho inü asukkhi alala rhimosho, nüsa riri ki I thiriri thsübah tüsho nüsa azhihrü ki azhihrü thsübah.

ABEKHIT 24:7

Judüki apinü tangzüng hüm lu tüsho mihtsürübonü sode khe. Tüsho arünü tha, “Atungpuhnü athakhi alala isanü arhimobah tüsho anibah.”

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ABEKHIT 8:22

Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

ABEKHIT 9:29

Tüsho Mosanü api ki tha, “I kiuto chingnü awukhiuk müleangnü, inü Atungpuh kilim I khahbo chungkihbah; tsüngmuk kheambah tüsho arulung mülade akambah, junangde alomi ju ATUNGPUH yo ah de nünü amükheahbah.

KHÜNBOLUNGKHÜN 8:12

I yo kurungasolu, I yo khung ju I thsungkheak lah; nü, O Solomon, nü a 1000 lah, tüsho sangaso kümrübo 200 lah!

ISAIA 1:19

Nüsanü mulongsho tüsho mihyu anisho, nüsanü alo ching yo atsü tsühbah;

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 56:4

Tümüde Atungpuhnü ha thachoh: I yo amuni mungkhi dukha kilim, shepünü I asühbe mokhitcho tüsho I yo tangzüng düküngde ramlocho,

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

MALAKI 3:17

Arü I yo thsübah, Wuto Atungpuhnü thachoh, inü arhimopü nimung tsüde akhukhi I yamalo thsübah, tüsho bebuhrünü arü khinkih thsürü arü tsührübo müthsümkhi nangde inü arü müthsümbah.

1 KORINT 10:26

Tümüde alomi tüsho ju ching lüpdükhi Atungpuh yo ah.

1 KORINT 10:28

Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh–

YUZÜNGTHALO 10:14

Kheahang, thüning tüsho yinmi bolung yinmi, alomi tüsho ju ching lakhi athrünkhi Atungpuh nü Thrünpuh yo ah.

YUZÜNGTHALO 11:27

khihni inü nüsa ki thiyukhüm jihkhi Atungpuh nüsa Thrünpuh yukhümbo anisho müngühmühi;

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

YUZÜNGTHALO 26:18

Kheaküshe apinü nüsa ki thiyuchihchimkhi nangde, khihni Atungpuhnü nüsa api mihtsürü thsüpü alokhido, junangde nüsanü api yukhümbo anibah,

YUZÜNGTHALO 26:19

tüsho apinü nüsa mungshimungthu tüsho wüntre jihkhi ching trükbo kurungkheak shuhkihbah, tüsho apinü athakhi nangde, Atungpuh nüsa Thrünpuh miki nüsa amüsüh mihtsürü thsübah.”

YUZÜNGTHALO 28:1

“Kheakü nüsanü Atungpuh nüsa Thrünpuh ki mihyuanisho tüsho inü khihni nüsa kilim jihkhi yukhüm ayihyih thsüde yansho, Atungpuh nüsa Thrünpuhnü alomi ching nüsa trükshih alala kurungkheak achangbe kamshihbah.

YUZÜNGTHALO 28:9

“Nüsanü Atungpuh nüsa Thrünpuh yukhüm anisho tüsho api limro ching tsahsho Atungpuhnü nüsa ki thiyuchihchimkhi nangde nüsa api kilim amüsüh mihtsürü kamshihbah.

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 5:2

Atungpuh isa Thrünpuhnü isa ki Horeb ching tangzüng khülang thsü.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

YUZÜNGTHALO 9:29

Judüalalashe arübo, nü wu-sühmüh tüsho nü khah chunghuhde abekhitkhi, nü mihtsürü tüsho nü yamrüplurüp ah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

IBRI 8:9

inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung; tümüde arünü I tangzüng ching müladebah, jumonü inü arü ki manijih, Atungpuhnü thachoh.

JIHUSUA 24:24

Mihtsürübonü Jihusua ki tha, “Atungpuh isa Thrünpuh isanü tankihbah, tüsho isanü api düsheak anibah.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.