ABEKHIT 19:4 - AMÜSÜH HÜM CL Bible (BSI)

⁴ Inü Ijiprü kheak rhimokhi, tüsho müleang ghidükeangbo kheak nüsa I kilim hanbah arükhi nüsanü ngüdo.

ABEKHIT 19:4 Iomraidhean Croise

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

YUZÜNGTHALO 1:30

Nüsa müngüh yübuh Atungpuh nüsa Thrünpuhnü Ijip ching nüsa mük ki rhimokhi nangde, nüsa thsungkheak keochihjihbah,

YUZÜNGTHALO 1:31

tüsho mihtsürünü nihbuh tsührü buhkhi ruk sunglo tüsho ha khiungde arükhi lomi ching Atungpuhnü künangde nüsa buhde arükheanü nüsanü ngüdo.

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 29:2

Kheakü Mosanü Israelrü alala jibahle arü ki tha: “Atungpuhnü nüsa mük kinü Ijip lomi ching, Pharao tüsho ayamlarü le api lo alala ching rhimokhi nüsanü ngüdo.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

JIHUSUA 23:3

tüsho nüsa thsungkheaknü Atungpuhnü lomibo kheak tümü rhimokheanü nüsanü mükheahlah, tümüde Atungpuh nüsa Thrünpuhnü nüsa thsung thsüde keochihjihdo.

AMIKHEAKAKHIUKKHI 12:14

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü.