ABEKHIT 19:22 - AMÜSÜH HÜM CL Bible (BSI)

²² Amükeamrübo she ATUNGPUH thüninde arürübo tsangkhitshang, jude yungsho inü arü thsümüchibah.”

ABEKHIT 19:22 Iomraidhean Croise

1 KIUTHSÜYUKHEAN 15:13

Akhuhbe ching nüsanü mühankhinü Atungpuh isa Thrünpuhnü isa azhihde bukakhiuk tümütüsho isanü api ki düshihde arhimopü mükeokhi.”

2 KIUTHSÜYUKHEAN 30:15

Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

2 KIUTHSÜYUKHEAN 30:3

Tümütüsho arünü kim dükdü ching mümungkhuk, tümüde amükeamrübonü arübo suhdahde mütsangkhit, yungsho mihtsürübo Jirusalem ching mümukhung.

ABEKHIT 19:24

Judüki Atungpuhnü api ki alo, “Tsoang, yükiang tüsho Aron nüke atuang. Tüshe amükeamrübo le mihtsürübo Atungpuh kilim atupü akishak dühoshih, jude yungsho apinü arü thsümüchibah.”

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

WÜHKHE 11:18

Tüsho mihtsürübo ki thaang, ‘Nüsa nihbuh zangrü shido thsungkheak müsühkhitang, tüsho nüsanü shih tsühbah;’ tümüde nüsanü Atungpuhnü sode tripde thado, ‘Shepünü isa kilim shih jihba? Tümüde isa Ijip ching reangkeamde alakheah.’ Jumonü Atungpuhnü nüsa kilim shih jihbah, tüsho nüsanü atsühbah.

YUNIRÜBO RHIMO 5:10

Zukleangnü alibe ju api jing ki keam tüsho sheabah. Küyimki athunurü mihtsürübo azahkhea, arünü alibe ju shea ngü tüsho hande wukhiukbah aniubuh rheang ki kiuyukabah.

YUNIRÜBO RHIMO 5:5

Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü.