ABEKHIT 19:20 - AMÜSÜH HÜM CL Bible (BSI)

²⁰ Judüki Sinai Müzüng mujuk kheak Atungpuh aki. Atungpuhnü müzüng mujuk kheak Mosa ji tüsho Mosanü wutu.

ABEKHIT 19:20 Iomraidhean Croise

1 KIULONG THSÜRÜ 19:11

Apinü tha, “Wukhiukang tüsho awung kheak Atungpuh miki zhipang, tümüde Atungpuh hode ayüpü thsüchoh.” Kheakü apung ato lakheah, khide amüküpkhinü awungbo tüsho lungbo Atungpuh miki adütre kamde trüabah, tüshe apung ching ju Atungpuh mülakheah; tüsho apung dunglim muliuyuk züng tüshe Atungpuh ju muliuyuk ching mülakheah;

NEHEMIA 9:13

Nü yinmi chingnü Sinai Müzüng kheak aki; nünü nü mihtsürü ki asukachih tüsho thiyuro yuzüng, yakzan, tüsho thiyukhümbo jih.

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

ABEKHIT 19:11

Tüsho arübo mahsam nipü thsungkheak thsakhamshang. Tümütüsho mahsam nipü Sinai Müzüng kheak mihtsürü alala miki Atungpuh akibah.

ABEKHIT 19:3

Mosanü Thrünpuh kilim wutu, tüsho Atungpuhnü awung chingnü api ki ji, “Hanangde nünü Jakob yamkhün tüsho Israelrü ki thabah:

ABEKHIT 24:15

Judüki Mosanü müzüng ching wutu, tüsho amonü müzüng ju liudo.

ABEKHIT 24:18

Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 34:2

Jumonü yapsu thsakhamang tüsho Sinai Müzüng mujuk kheak nü I kilim atung.

ABEKHIT 34:4

Jumonü Mosanü akhuhlim nangde lungbeak mahne phuka lu tüsho Atungpuhnü api ki thiyukhüm jihkhi nangde yapsu mükikde akhah ching lungbeak mahne shuhbah Sinai Müzüng ching wutu.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.