ABEKHIT 19:18 - AMÜSÜH HÜM CL Bible (BSI)

¹⁸ Kheakü Sinai Müzüng abümnü mokhüh lakheah, tümütüsho ju kheak Atungpuh mo ching aki. Mokhüh ju mokin ching yo mokhüh nangde aki, tüsho müzüng abümnü niuk.

ABEKHIT 19:18 Iomraidhean Croise

THRÜNTAN 11:5

Tüshe mihtsürü tsührübonü athsükhi kiuto tüsho rünchang kheahpü Atungpuh aki.

THRÜNTAN 15:17

Küyimki ani yüzahbah mitingdo akamkhea, mokhühkhi mophüh khülang tüsho tsünduphung khülang akhiukbah shiwüh khapnakkhi phulung chingnü hode yü.

THRÜNTAN 19:28

Apinü Sodom tüsho Gomorra adükhün lomi alala lim abina kheah, tüsho morimoto chingnü mokhüh akhiukkhi nangde alomi chingnü mokhüh alükde ayükihkhi ngü.

NEHEMIA 9:13

Nü yinmi chingnü Sinai Müzüng kheak aki; nünü nü mihtsürü ki asukachih tüsho thiyuro yuzüng, yakzan, tüsho thiyukhümbo jih.

MUNGSHIKHÜN 104:32

Apinü alomi kheak kheahchoh, tüsho ju ajanchoh; apinü awungbo qiuchoh, tüsho jurü mokhühchoh.

MUNGSHIKHÜN 114:4

Müzüngbonü namfimihnupungbo nangde, awung aninibonü namfimihnunubo nangde juk.

MUNGSHIKHÜN 114:7

O alomi, Atungpuh miki, Jakob Thrünpuh miki ajanang,

MUNGSHIKHÜN 144:5

O Atungpuh , thüning chakashungang tüsho akiang; müzüngbo qiuang, tüsho arünü mokhühbah.

MUNGSHIKHÜN 18:9

Apinü thüning yakrüpbah aki; amo amitingbo ajing khüp lakheah.

MUNGSHIKHÜN 68:9

O Thrünpuh, nünü muzhomopungkhi tsüng arüshih, ju hode keaksah-a lachoki nü yamrüplurüp rhüngrhüngshih.

MUNGSHIKHÜN 77:18

Nü tsüngmukkhi düsheak chitmühean ching lakheah; chinchobebonü alomiküp tahkhi; alomi ajan tüsho niuk.

MUNGSHIKHÜN 77:19

Nü limro keto ching, nü jing-tsahpung ke atobo ching lakheah, tüsho nü jingdükübo mümükheahde alakheah.

ABEKHIT 19:13

Khah khülangnü she api müqiu, tüshe tsükjide api lungnü arubah yungsho hühzonü akipbah; mihtsürü yungsho shiwüh thsüthsü api rhangdung müla.’ Küyimki hulipungpung ashangkhüh mütbanü, arünü müzüng thüninde arübah.”

ABEKHIT 19:17

Mosanü mihtsürübo ju Thrünpuh shorupü binkheampung chingnü bekhitbah arü, tüsho arünü müzüng jing kheak zhip.

ABEKHIT 20:18

Kheakü mihtsürü alalanü tsüngmuk, chinchobe, hulipungpung düsheak tüsho müzüng kheak mokhühkhi kheahde alakheah. Tüsho küyimki arünü ju ngükheanü, arübo ajan tüsho limshu ching zhip.

ABEKHIT 24:17

Israelrü mük ki müzüng müjuk kheak Atungpuh müretahkhi ju aniuabahbe motru nangde alakheah.

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ABEKHIT 34:2

Jumonü yapsu thsakhamang tüsho Sinai Müzüng mujuk kheak nü I kilim atung.

ISAIA 6:4

Arü jikhi düsheaknü dungjingbo tüsho khimtanbo aniungshih tüsho mokhühnü thüyam mi.

ISAIA 64:1

O nünü yinmi chakashungbah akikhülaa, junangde awungbonü nü miki niukbah–

JEREMIA 4:24

Inü awungbo kheak kheah tüsho kheahang, arübo ajande alakheah, tüsho wungduduhbo alala yüla-arüla de niuk.

HABAKKUK 3:6

Apinü tukloa zhip tüsho alomi niuk; apinü kheah tüsho trükshihbo ajanshih. Lün lakhi müzüngbo shuh-a ajan; jipü limtsah limrobo bede lün lakhi wungbo keamyuk.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 24:7

Tümütüsho trükshihnü trükshih, tüsho kiulongthsünü kiulongthsü azhihde wusubah. Tüsho dangpung aban ching khümzung, arüm, tüsho muliuyuk labah.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

YUZÜNGTHALO 4:36

Apinü nüsa thsangdanpü thsüde thüning chingnü api düsheak soshihdo; alomi kheak apinü nüsa ki mo ato huhdo, tüsho nüsanü api yu mo phulungnü sodo.

YUZÜNGTHALO 5:22

“Atungpuhnü ha yubo alala awung ching mo phulung, amo, azhingdokhi ching düsheak atonü nüsa amukhungrü alala ki thado; tüsho apinü püpü tümü mütha. Tüsho apinü jurübo lungbeak mahne kheak thrütbahle I kilim jih.

YUZÜNGTHALO 5:4

Awung kheak mo phulungnü Atungpuhnü nüsa ki mironü miro ki asukachih.

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 12:18

Nüsanü aqiupü thsüde mo trukhi, amiting, akhüpdokhi, tüsho chinthrüm ching marü,

IBRI 12:26

Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.”

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 15:8

arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.

AMIKHEAKAKHIUKKHI 9:2

apinü alokhünbit ju khimshuh, tüsho alokhünbit chingnü morimoto mokhüh nangde akhiukbah ani le thüning mitingde kamshih.

MAHKHAPRÜ 5:5

Atungpuh miki müzüngbo ajan, ju Sinai, Atungpuh Israel Thrünpuh miki.