ABEKHIT 19:15 - AMÜSÜH HÜM CL Bible (BSI)

¹⁵ Tüsho apinü mihtsürübo ki tha, “Asam nipü thsungkheak thsakhamang; niuberü thüninde düyü.”

ABEKHIT 19:15 Iomraidhean Croise

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

ABEKHIT 19:11

Tüsho arübo mahsam nipü thsungkheak thsakhamshang. Tümütüsho mahsam nipü Sinai Müzüng kheak mihtsürü alala miki Atungpuh akibah.

ABEKHIT 19:14

Judüki Mosanü müzüng kheaknü mihtsürübo kilim akibah tsangkhitjih tüsho arünü arü khimmihbo müsüh.

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

JOEL 2:16

mihtsürübo bemukhungang, amukhungrü müsühkhitang; ashinbuhrübo bemukhungang; azürübo bemukhungang, niuh yungrü khungarübo she. Niuberü lubuhnü nihbuh khiungshak bahkhishang, tüsho arhangberünü nihbe khiungshak bahkhishang.

LEVI 15:18

Küyimki athrürünü aliberü kheak nungbah ke akhiukbanü, ane chido kemüyihbeah, tüsho ane arelim khiungde mümüsühkhi labah.

AMOS 4:12

Jumonü inü ha nü ki rhimobah, O Israel; tümütüsho inü nü ki ha rhimobah, nü Thrünpuh shorupü thsakhamang, O Israel!

ZEKARIA 6:3

asampü lolungbe ching khora amüyebo tüsho aphüyipü lolungbe ching khorabo aneakjik lakheah.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

MATHI 24:44

Jumonü nüsa she atündoang, tümüde nüsanü amülümkhi kim khülang ching Mihtsürü Tsührü arübah.

1 KORINT 7:5

Nüsanü shuhmülanga jihde tamkhüntamnüpü baplapkhi kim kheak hode khülangnü khülang ki darochih; tüshe jushu shoruachihloang, jude yungsho zangrü müdanyukkhi hode amüneannü nüsa rükakibah.