ABEKHIT 18:9 - AMÜSÜH HÜM CL Bible (BSI)

⁹ Judüki Atungpuhnü Israel thsungkheak atsü rhimode Ijiprü khah chingnü arü bekhitkhi alala dünkheak Jethronü asüh.

ABEKHIT 18:9 Iomraidhean Croise

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

ISAIA 66:10

Jirusalem lung asühachihang, tüsho anihbe thsungkheak asühang, nüsa anihbe muzhorü alala; nüsa anihbe kurungkheak tüzhorü alala asühkhi ching anihbe lung asühachihang.

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

ROMRÜ KILIM PAULNÜ ATHRÜTKHI KIHÜM HUHTANYU 12:15

Asühachihrü lung asühachihang, atriprü lung tripang.

1 KORINT 12:26

Achamnak khülang thsünüsho, alala rukhüh thsünüchoh; achamnak khülang wüntre jihsho, alala rukhüh asühachihchoh.

1 SAMUEL 15:6

Saulnü Kenrü ki tha, “Yüang! Tsoang! Amalekrü kheaknü tsoang, jude yungsho inü nüsa arü bolungnü adükheakshihbah; tümüde nüsanü Israel mihtsürü Ijip chingnü akhiukchoki alala ki mihmuzho huhdo.” Jumonü Kenrübonü Amalekrü kheaknü chamkhi.