ABEKHIT 18:7 - AMÜSÜH HÜM CL Bible (BSI)

⁷ Jumonü Mosa akü shorupü wukhiuk, tüsho api miki mükhümbah müthsüp. Tüsho arünü tsüde alakhi keoachihbah khimyam ching yüzah.

ABEKHIT 18:7 Iomraidhean Croise

THRÜNTAN 14:17

Abramnü Kedorlaomer tüsho api müshiprü kiulongthsürübo kukbah arü dunglim Sodom kiulongthsüpuhnü Shave Jindükhün (ju kiulongthsüpuh Jindükhün) ching api shorupü akhiuk.

THRÜNTAN 18:2

Abrahamnü abinkih-a kheah tüsho mihtsürü 3 aphüni zhipde ngü, küyimki apinü arü ngükheanü arü shorupü apinü khimyam ripit kinü niokheamde yü tüsho alo kheak khukning,

THRÜNTAN 19:1

Yunirü 2 arelim Sodom ching arü, tüsho Lot ju Sodom chipiripit ki zhipde alakheah. Küyimki Lotnü ane ngükheanü, apinü ane shorupü wusu, tüsho amiro alo lim kheahbah khukning.

THRÜNTAN 29:13

Labannü aniurü tsührü Jakob dünkheak thiyusheak soakede apinü anihbuh shorupü niokheamde yü. Apinü api kap tüsho müthsüp tüsho api yam ching bede arü, tüsho alala dünjikhi Jakobnü api ki thaa huh.

THRÜNTAN 31:28

Tüsho nünü I tsührübo le tsührübebo mümüthsüpshih. Nünü makhade rhimodo.

THRÜNTAN 43:26

Küyimki Josep thüyam ching arükhea, arünü thüyam ching lude azahkhi thsambahbo api kilim jih, tüsho api miki alo kheak khukning.

THRÜNTAN 45:15

Tüsho apinü akeoniorü alala müthsüp tüsho trip, tüsho ju dunglim akeoniorübonü api ki asukachih.

THRÜNTAN 46:29

Jumonü Josepnü api khoralolungbe thsakham tüsho abuh Israel shorupü Goshen lim wutu; Josepnü api miki yü akede akhahnü abuh kap tüsho ruhde trip.

2 SAMUEL 11:7

Küyimki Uria api kilim arükhea, Davidnü Joab tüsho mihtsürübo tsüde la shi müla, tüsho thirithsükhi kürukanü keokhi.

1 KIULONG THSÜRÜ 2:19

Jumonü Bathshebanü Adonija thsung thsüde athajihpü kiulongthsüpuh Solomon ki yü. Kiulongthsüpuhnü alibe shorupü asürü, tüsho alibe ki khukning; jushu apinü anihbuh kiulongthsü-binkiu kheak bin, tüsho kiulongthsüpuh abe khilim kiulongthsü-binkiu püpü lubah arü, tüsho alibenü anihbuh tsülim peang bin.

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

ABEKHIT 18:6

Kheakü apinü Mosa ki tha, “I nü kü Jethro, nü niube lung atsührü mahne bebah nü kilim arüchoh.”

ABEKHIT 33:7

Kheakü Mosanü khimyam khülang lu tüsho binkheampung aleanglim anükhüh yübah thsü, ju ki “ashorupung khimyam” de ji. Khürünü Atungpuh ki keokhikeorapü lasho binkheampung aleanglim khimyam ching yüde alakheah.

ABEKHIT 4:27

Atungpuhnü Aron ki tha, “ Mosa shorupü nü sunglo ching yüang.” Jumonü apinü yübah Thrünpuh wung kheak Mosa shoru tüsho api kheak müthsüp.

WÜHKHE 22:36

Küyimki Balaam arüchoh de Balaknü asokhea, apinü anihbuh shorupü Moab kiuto ching yü, ju api lomi akheam lim Arnon aredung ching lakheah.

LUKNÜ ATHRÜTKHI THIYUSHEAK-ATSÜ HUHTANYU 7:45

Nünü I mümüthsüp, tüshe I azahkhi kimnü ründe alibenü I jing müthsüppü mutuklo.

YUNIRÜBO RHIMO 20:37

Arü alalanü trip tüsho Paul kapde müthsüp.

YUNIRÜBO RHIMO 28:15

Ju ching akinrübonü isa arükhi sobah Appia Yinzüyindopung tüsho Hanyam Mahsam khiungde isa shorupü arü. Arü ngübah Paulnü Thrünpuh ki makshe jih tüsho mulong toa lu.

MAHKHAPRÜ 11:34

Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

1 SAMUEL 17:18

tüsho niuhke kingkung 10 ha lubah chithürü kurung limthobuh kilim jihang. Nü khiung pürü küruk lanü kheahang tüsho tsüde alakhi amütsan tümükhüh arü kilimnü lubah arang.”

1 SAMUEL 17:22

Davidnü kukruk-hah neakbuh kilim zojihbah thirithsürü kilim shande yü, tüsho akhiung pürü ki salüm jih.