ABEKHIT 18:21 - AMÜSÜH HÜM CL Bible (BSI)

²¹ Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ABEKHIT 18:21 Iomraidhean Croise

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

THRÜNTAN 47:6

Ijip lomi nü müngüh lah. Nü buh le nü keoniorübo lomi atsübe ching lashang; arübo Goshen lomi ching lashang. Tüsho nünü mulonglamkhi mihtsürü arü bolung mükheahsho, I yo shiwüh kurungkheak aberü thsüshang.”

2 SAMUEL 18:1

Judüki Davidnü api lung lakhi mihtsürübo bemukhung, tüsho chithürübo le chibo kurungkheak limthorü mokhit.

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

1 KIULONG THSÜRÜ 18:3

Ahabnü kiulongthsüpuh yam abebuh Obadia ji. (Kheakü Obadianü tode Atungpuh wüntre;

EZRA 7:25

“Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

NEHEMIA 5:9

Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

NEHEMIA 7:2

I mihtsürü 2: I khiung Hanani tüsho Hanania, chipi kurungkheak aberü athülünkhi mihtsürü tüsho mührü kheak kihode Thrünpuh wüntrebuh ane Jirusalem kiuto kurungkheak yakzan shuhshihpü mokhit.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 29:16

Müthsümülarü thsungkheak I abuh lakheah, tüsho inü mümükheahrü dünkheak yimkhitjih.

JOB HU H T ANYU 31:13

Arünü I azhihde atsanglochoki inü I yamlarübo, athrürü tüsho aliberü ki thiyuro reanglosho.

MUNGSHIKHÜN 15:1

Atungpuh nü arüngkhimyam ching she laba? Nü amüsüh wung kheak she laba?

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

ABEKHIT 17:9

Tüsho Mosanü Jihusua ki tha, “ Mihtsürü khürü mokhitang tüsho wukhiukbah Amalekrü bede keochihang. Shido Thrünpuh tso I khah ching shuhbah awung mujuk kheak zhipbah.”

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

MÜCHITMUDU 28:2

Tümütüsho lomi thsümünimkhinü, yakzanshuhrü hihde lah; tüshe anikhitkhi tüsho mükheahmudu mihtsürünü thiyukhüm ahorichoh.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

EZEKIEL 18:8

Apinü sholü lude münipjih yungsho sholü kihode mulu. Apinü amülim rhimopü chingnü akhah tuklochoh tüsho mihtsürü le mihtsürü dükeak tsüde khapjihchoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

ZEKARIA 8:16

Harü ha nüsanü arhimobebo lah: Mihtsürü abannü nihbuh yamhingrü ki thiyuro asukang; nüsa chipiripitbo ching thiyuro mahkhap jihang tüsho mungtsü thsüang,

WÜHKHE 1:16

Harübo ha trük boto chingnü amokhitkhi arü jipürü trük ching limberübo, Israel gukbo ching akubo lakheah.

WÜHKHE 1:4

Tüsho nü lung trük aban chingnü mihtsürü khülang khülang, kuku chingnü abande alabah,

WÜHKHE 10:4

tüshe arünü khülang lang mütsho, limberübo, Israel trükbo ching akubo lang nü ki mukhungbah.

LUKNÜ ATHRÜTKHI THIYUSHEAK-ATSÜ HUHTANYU 18:2

Apinü tha: “Kiuto khülang ching mihtsürü khülang Thrünpuh mütrerü yungsho mihtsürü ki akinashu müjihrü lakheah.

LUKNÜ ATHRÜTKHI THIYUSHEAK-ATSÜ HUHTANYU 18:4

Apinü anükhüh kheak jude müthsü; tüshe anükhüh labah apinü aküdah thsüde tha, ‘Inü Thrünpuh mütre yungsho mihtsürü ki akinashu müjih-a lalashe,

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

YUZÜNGTHALO 22:18

Judüki kiuto azothsürübonü mihtsürü ju bedarübah alakbah;

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

JIHUSUA 22:14

Israel trük tüsho guk aban chingnü akubo dukbah mihtsürü thürü Phinehas lung yüshih.

1 SAMUEL 8:12

tüsho apinü chithürü tüsho thünim kurungkheak wühkenorü mokhitbah, tüsho khürü api lu phünpü tüsho yimlushihpü, tüsho keochihbe tsungthsüh tüsho khora-lolungbe kukrukbo thsüshihpü mokhitbah.

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.