ABEKHIT 18:11 - AMÜSÜH HÜM CL Bible (BSI)

¹¹ Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ABEKHIT 18:11 Iomraidhean Croise

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

1 KIUTHSÜYUKHEAN 16:25

Tümüde ato ju Atungpuh , tüsho tode ashijihbe; api thrünpuhbo alala kurungkheak atrebe lah.

2 KIUTHSÜYUKHEAN 2:5

Inü athsüpü lakhi thüyam ju ato labah, tümüde isa Thrünpuh a püpürü thrünpuhbo kheaknü atobe ah.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

NEHEMIA 9:16

Tüshe isa jipürübonü nihnihde la tüsho nü yukhüm mani.

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

MUNGSHIKHÜN 119:21

Muthrumüneana larü tüsho nü yukhümbo chingnü atsokhirü, kükheangküyangrü nünü thürühchoh.

MUNGSHIKHÜN 135:5

Tümüde Atungpuh ju ato ah de inü mükheahlah, tüsho isa Tungpuh ju thrünpuhbo alala kurungkheak lah.

MUNGSHIKHÜN 31:23

O nüsa api yo amüsührü alalanü Atungpuh muzhoang! Atungpuhnü thiyuro larü kümde zochoh, tüshe apinü akükheangrü mode thsümüchichoh.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

ABEKHIT 1:10

Thirithsü akhiuksho arünü isa riri lung bebah isa kheak thirithsübah tüsho isa lomi bahjihbah atsobah. Jumonü arü wüh bukhi zhipdopü isanü limro khürü yimbeah.”

ABEKHIT 1:16

“Küyimki nükenü Ibrirü khungarü zübechoki mütrübanü khungarü ju athrürü a sho laksahang tüshe aliberü a sho arhang lashang.”

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ABEKHIT 14:18

Küyimki inü Pharao, api khora-lolungbebo, tüsho api khoraberü kurungkheak müretah ngübanü Ijiprünü I Atungpuh de amükheahbah.”

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ABEKHIT 5:7

“ Müngühlim ruk lotaklung thsüpü nüsanü müneang düjih, tüshe arü küdah thsüde müneang hanmukhungshang.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

WÜHKHE 33:4

Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.

LUKNÜ ATHRÜTKHI THIYUSHEAK-ATSÜ HUHTANYU 1:51

Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.