ABEKHIT 17:7 - AMÜSÜH HÜM CL Bible (BSI)

⁷ Jumonü apinü ju dangpung ki Massa tüsho Meriba de ji, tümütüsho Israelrünü rukachih tüsho Atungpuh rükakide tha, “Atungpuh isa lung la shi müla?”

ABEKHIT 17:7 Iomraidhean Croise

MUNGSHIKHÜN 106:32

Meriba kebo ching arünü Atungpuh bukakhiukshih, tüsho arü dünkheaknü Mosa kheak küpkhuk arü;

MUNGSHIKHÜN 78:18

Arünü akünkhi tsühyungbe kheangde akhekhungnü Thrünpuh rükaki.

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

MUNGSHIKHÜN 81:8

O I mihtsürü, inü athakhi aniang; Israel, nünü I ki anishihnelah!

MUNGSHIKHÜN 95:8

“Nüsa mulong azhihkhi ching nangde, tüsho sunglo ching rükakikhi nimung nangde dümüküp,

ABEKHIT 17:2

Jumonü mihtsürübonü Mosa bede müneah tüsho tha, “Isa yungpü ke jihang.” Tüsho Mosanü arü ki alo, “Tümüde nüsanü I müneahcho? Tümüde nüsanü Atungpuh rükakicho?”

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

WÜHKHE 20:13

Ha Meriba ke lakheah tümütüsho Israel mihtsürübonü Atungpuh kheak rukachih, tüsho apinü arü bolung amüsüh de huh.

WÜHKHE 20:24

“ Aron a nihbuh mihtsürü bolung yübah, tüsho inü Israel mihtsürübo kilim jihpü alokhikhi lo ching api müyüzah, nükenü Meriba ke ching I yu azhihdo.

WÜHKHE 27:14

Tümüde Zin sunglo kebo ching botonü azhihde wusuchoki, nüke chidonü arü mük ki I yukhüm amüsüh de ahuhpü I yu mani.” (Meriba ju Zin sunglo ching Kadesh Kenü ah.)

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’

YUZÜNGTHALO 33:8

Tüsho Levi dünkheak apinü tha, “Atungpuh , nü yo Thummim tüsho Urim amüsüh mihtsürü Levi kilim jihang, shepü kheak nünü Massa ching rükakikhea, shepü kheak Meriba ching nünü shochihkhea;

YUZÜNGTHALO 6:16

“Nüsanü Atungpuh nüsa Thrünpuh Massa ching rükakikhi nangde rükdaki.

YUZÜNGTHALO 9:22

“Nüsanü Tabera, Massa, tüsho Kibroth-hattava ching she A TUN GPU H bukakhiukshih.

JIHUSUA 22:31

Eleazar tsührü amükeambuh Phinehasnü Reubenrü, Gadrü tüsho Manaserü ki tha, “ Khihni isa lung Atungpuh lah de isanü mükheahlah, tümütüsho nüsanü api mazhih, kheakü nüsanü Israelrü Atungpuh khah chingnü bekhitdo.”