ABEKHIT 17:6 - AMÜSÜH HÜM CL Bible (BSI)

⁶ Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

ABEKHIT 17:6 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

MUNGSHIKHÜN 105:41

Apinü lungto khimshuh, tüsho ke bukkhit; ayung nangde akung dangpungbo ching buk.

MUNGSHIKHÜN 114:8

shepünü lungto ju kekhip, lungmüzhak ju kenü kamshih.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

MUNGSHIKHÜN 78:18

Arünü akünkhi tsühyungbe kheangde akhekhungnü Thrünpuh rükaki.

MUNGSHIKHÜN 78:20

Kheahang, apinü lungto kheak rhap, junangde kebo bukkhit, tüsho yungzübo zhikhiukde buk. Apinü yikhap she ajihkhukba shi? Apinü mihtsürü thsungkheak shih jihkhukba shi?”

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

ABEKHIT 14:16

Tüshe nü tso shuhkihang, tüsho keto kumung nü khah chungkihang tüsho ju azüshang, junangde Israelrünü akung lo kheaknü kero phulung hobah.

ABEKHIT 16:10

Kheakü Aronnü Israel boto alala ki asukchoki, arünü sunglo limpeang kheah, tüsho Atungpuh müretahkhi amo ching akhiuk.

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

WÜHKHE 20:8

“ Tso luang, nü tüsho nü khiung Aron nükenü boto bemukhungang. Arü mük kinü lung ki thaang, tüsho ke akhiukbah; hanangde nünü arü thsungkheak lung chingnü ke handarübah, tüsho boto le arü shiwühbo yungshihbah.”

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

1 KORINT 10:4

tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah.

YUZÜNGTHALO 1:2

Horeb chingnü Seir Awung limro yande Kadesh-barnea khiungpü nimung thürükheak khülang ah.

YUZÜNGTHALO 8:15

Apinü nüsa mükheahbinkhi tüsho atrebe sunglo, kethürikhi tüsho akung lo, müzüm phuruto tüsho lungthsühri lakhi hode bebah arü. Apinü nüsa kilim lungmüzhak chingnü ke handarü.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.