ABEKHIT 17:5 - AMÜSÜH HÜM CL Bible (BSI)

⁵ Tüsho Atungpuhnü Mosa ki alo, “Nü lung Israel azothsürü khürü bebah mihtsürü müngüh yüang; tüsho nünü Nile rhapkhi tso nü khah ching luang tüsho yüang.

ABEKHIT 17:5 Iomraidhean Croise

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

ABEKHIT 14:16

Tüshe nü tso shuhkihang, tüsho keto kumung nü khah chungkihang tüsho ju azüshang, junangde Israelrünü akung lo kheaknü kero phulung hobah.

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 3:18

Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.