ABEKHIT 17:2 - AMÜSÜH HÜM CL Bible (BSI)

² Jumonü mihtsürübonü Mosa bede müneah tüsho tha, “Isa yungpü ke jihang.” Tüsho Mosanü arü ki alo, “Tümüde nüsanü I müneahcho? Tümüde nüsanü Atungpuh rükakicho?”

ABEKHIT 17:2 Iomraidhean Croise

MUNGSHIKHÜN 106:13

Arünü nahde api rhimobo mih; arünü api lümthiyan maleang,

MUNGSHIKHÜN 106:14

tüshe sunglo ching hodakde tsühyungne, tüsho loshelo ching Thrünpuh rükaki.

MUNGSHIKHÜN 78:18

Arünü akünkhi tsühyungbe kheangde akhekhungnü Thrünpuh rükaki.

MUNGSHIKHÜN 78:41

Arünü alochode api rükaki, tüsho Israel Amüsüh Khülang bukakhiukshih.

MUNGSHIKHÜN 78:56

Tütüshe arünü Thrünpuh rükaki tüsho Khide Achang azhih; arünü api yakzan thsükhibo muzo,

MUNGSHIKHÜN 95:8

“Nüsa mulong azhihkhi ching nangde, tüsho sunglo ching rükakikhi nimung nangde dümüküp,

MUNGSHIKHÜN 95:9

küyimki nüsa bebuhrünü I rükakheahkhea; arünü I rhimo ngüa lalashe arünü I mütsana lu.

ABEKHIT 15:24

Tüsho mihtsürübonü dapdapneangneangde Mosa ki tha, “Isa tümü yungba?”

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

ABEKHIT 17:7

Jumonü apinü ju dangpung ki Massa tüsho Meriba de ji, tümütüsho Israelrünü rukachih tüsho Atungpuh rükakide tha, “Atungpuh isa lung la shi müla?”

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

ISAIA 7:12

Tüshe Ahaz nü tha, Inü mükheang, tüsho inü Atungpuh rükmaki.

MALAKI 3:15

Kheakü isanü kükheangküyangrü ju müngühmühi de jichoh; mihbukmuyukrü ju lalim tsükhi lang yung, tüshe küyimki arünü Thrünpuh rükakibanü arü tsokhitchoh.”

WÜHKHE 14:2

Tüsho Israelrü alalanü Mosa le Aron azhihde dapdapneangneang; boto alalanü ane ki tha, “ Isabo Ijip lo chingnü pü sheabahkhülaa! Yungsho isa ha sunglo chingnü sheabahkhülaa!

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

MATHI 4:7

Jisunü api ki tha, “Amüsühyunü ha she thachoh, ‘Nünü Atungpuh nü Thrünpuh rükdaki.’ ”

LUKNÜ ATHRÜTKHI THIYUSHEAK-ATSÜ HUHTANYU 15:12

Tüsho akheambuhnü abuh ki tha, ‘Abuh, I shihcham kukrukbo I kilim jihang.’ Jumonü apinü ane kilim lakhit chamjih.

LUKNÜ ATHRÜTKHI THIYUSHEAK-ATSÜ HUHTANYU 4:12

Tüsho Jisunü api ki alo, “Ha thaa lah, ‘Nünü Atungpuh nü Thrünpuh rükdaki.’ ”

YUNIRÜBO RHIMO 15:10

Dale tümü thsükhi nüsanü isa jipürü yungsho isanü mühankhukkhi akinrübo düthsün kheak hah yihkihjihde Thrünpuh rükakipü mulongla?

YUNIRÜBO RHIMO 5:9

Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.”

1 KORINT 10:9

Arü khürünü rhimobah phurutonü arü mukiusahkhi nangde isanü Atungpuh rükmakibeah;

YUZÜNGTHALO 6:16

“Nüsanü Atungpuh nüsa Thrünpuh Massa ching rükakikhi nangde rükdaki.

YUZÜNGTHALO 9:22

“Nüsanü Tabera, Massa, tüsho Kibroth-hattava ching she A TUN GPU H bukakhiukshih.

IBRI 3:9

küching nüsa jipürübonü I rükakheah tüsho kam yirü I rhimo ngü.

1 SAMUEL 8:6

Tüshe arünü, “Isa kurungkheak yakzan shuhshihpü isa kilim kiulongthsürü khülang jihang” de athachoki Samuel masühde kam. Jumonü Samuelnü Atungpuh ki tamkhüntamnü,