ABEKHIT 17:14 - AMÜSÜH HÜM CL Bible (BSI)

¹⁴ Atungpuhnü Mosa ki tha, “Ha mümihpü thsüde hüm ching thrütang tüsho Jihusuanü sode kheang, junangde Amalekrü lümkhitpü yinmi bukkhüpnü shahde nankhita bahbah.”

ABEKHIT 17:14 Iomraidhean Croise

2 SAMUEL 1:1

Saul she dunglim, küyimki David Amalekrü kukbah alodarükhea, api Ziklag ching nimung mahne mung.

2 SAMUEL 8:12

Edom, Moab, Amonrü, Filistiarü, Amalek, tüsho Zobarü Rehob tsührü kiulongthsüpuh Hadadezer kheaknü ayankhikhibo.

1 KIUTHSÜYUKHEAN 4:42

Tüsho arü khürü, Simeonrü mihtsürü 500 Seir wung ching yü, arü limberübo ju Ishi tsührübo Pelatia, Nearia, Rephaia, tüsho Uzziel;

1 KIUTHSÜYUKHEAN 4:43

arünü Amalekrü atsokhitrübo laksah, tüsho arü khihni khiungde ju ching lah.

EZRA 9:14

Dale tüsho küde thsah kheaküshe isanü nü yukhüm manide harü amütsü mihtsürü ki yihluachihpü? Isanü rhimosho, nü bukakhiukbah tüsho isa athrünkhi sheshe rhangdung mülashihde adükheakbah.

JOB HU H T ANYU 18:17

Api lümkhilümduhbo alomi chingnü dükheakchoh, tüsho mungthu bolung api mung müla.

JOB HU H T ANYU 19:23

O I yubo thrütkhülaa! O jurü hüm ching thrütyukkhülaa!

MUNGSHIKHÜN 9:6

Thiriri ju lünnü athsümünim ching dükheakdo; nünü kiutobo rukkhitdo; arü lümrhihpü dükheakdo.

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 17:13

Jumonü Jihusuanü Amalekrü nukshangnü kuk.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ABEKHIT 32:33

Atungpuhnü Mosa ki alo, “Sherübo I azhihde neak yihbeakdünü inü I hüm chingnü nankhita bahbah.

ABEKHIT 34:27

Atungpuhnü Mosa ki tha, “Harü yubo thrütang, tümüde harü yubo yande inü nü tüsho Israel kheak tangzüng khülang thsüdo.”

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

JEREMIA 30:2

Atungpuh , Israel Thrünpuhnü ha thachoh: Inü nü ki asukkhi yubo alala hüm khülang ching thrütang.

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

WÜHKHE 24:20

Judüki Balaamnü Amalekrü kheahbah müchit: “ Amalek ju trükshih bolung akhuhbuh lakheah, tüshe akheam ju a lünnü adükheakbah.”

WÜHKHE 33:2

Kheakü Mosanü Atungpuh yukhüm yande arü hantsahchoki binkheampungbo thrütyuk. Tüsho harü ha arü hantsahkhi akhinashu:

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”

1 SAMUEL 15:18

Tüsho Atungpuhnü nü athiyikhi rhimo ching yüshihde tha, ‘Yüang, amüneanrü Amalekrü shahde laksahkhamang, tüsho arübo mükheamkhamyi khiungde arü bebah keochihang.’

1 SAMUEL 30:1

Kheakü küyimki David tüsho amihtsürübo nimung asampü ching Ziklag ching arükhea, Amalekrünü Negeb tüsho Ziklag bede keochihpü thsakhama lakheah. Arünü Ziklag yande takabah,

1 SAMUEL 30:17

Davidnü arübo shuhyini chingnü ashidopü arelim khiungde yande keochih, athrününgtsüng 400 kemelbo kheak yükihbah atsorü kheak hode arü sheshe mutsokhi.