ABEKHIT 17:1 - AMÜSÜH HÜM CL Bible (BSI)

¹ Atungpuh yukhüm yande Israel boto alala Zin sunglo chingnü tsahmusude yü tüsho Rephidim ching binkheam; tüshe ju ching mihtsürübo thsungkheak ayungpü ke mülakheah.

ABEKHIT 17:1 Iomraidhean Croise

ABEKHIT 15:22

Jushu Mosanü Israel Amürüm Keto chingnü mikhuhlim bede yü, tüsho arünü Shur sunglo limpeang yü; arünü sunglo ching nimung mahsam yü tüsho ke müngüde alakheah.

ABEKHIT 16:1

Arübo Elim chingnü tsahmusu tüsho Ijip chingnü chamachih dunglim khinu mahne, nimung thürükheak phüngü nipü Israel boto alala Elim le Sinai dükeak Sin sunglo ching arü.

ABEKHIT 17:8

Kheakü Amalekrü arü tüsho Rephidim ching Israel bede keochih.

ABEKHIT 19:2

Tümüde arü Rephidim chingnü tsahmusubah Sinai sunglo ching arü tüsho binkheam. Junangde Israel ju müzüng müngüh binkheam.

WÜHKHE 20:2

Kheakü ju ching boto thsungkheaknü ke mülade alakheah; jumonü arünü Mosa tüsho Aron azhihde mukhung.

WÜHKHE 9:17

Tüsho küyimki amo ju arüngyam kumungnü akhinkhea, jushu Israelrü mihtsürübonü tsahmusu; tüsho amo kükheak keambanü ju kheak Israel mihtsürübonü arü khimyam thsü.

WÜHKHE 9:23

Atungpuh yukhüm anide arünü binkheam tüsho Atungpuh yukhüm anide arünü tsahmusu; Atungpuhnü Mosa ki thiyukhüm jihkhi anide arünü Atungpuh yu ani.