ABEKHIT 16:8 - AMÜSÜH HÜM CL Bible (BSI)

⁸ Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

ABEKHIT 16:8 Iomraidhean Croise

ABEKHIT 16:12

“Israelrünü dapdapneangneangkhi inü sodo. Arü ki asukang, ‘Shuhyini ching nüsanü shih tsühbah, tüsho yapsu yikhapnü nüsa bukthsübah. Tüsho I Atungpuh nüsa Thrünpuh ah de nüsanü amükheahbah.’ ”

ABEKHIT 16:9

Judüki Mosanü Aron ki tha, “Israel boto alala ki thaang, ‘Atungpuh thüninde arang, tümüde nüsa dapdapneangneangkhi apinü sodo.’ ”

ABEKHIT 17:2

Jumonü mihtsürübonü Mosa bede müneah tüsho tha, “Isa yungpü ke jihang.” Tüsho Mosanü arü ki alo, “Tümüde nüsanü I müneahcho? Tümüde nüsanü Atungpuh rükakicho?”

ISAIA 32:6

Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 37:29

Tümütüsho nünü I azhihde bukakhiuk tüsho nü mulong zhipzhipkhi I nükhün ching arü, inü yinchi-khoyang nü nupung ching yukjihbah tüsho yinchikaplak nü mün ching yukjihbah, inü nü arükhi limro ching rholoshihbah.

WÜHKHE 11:18

Tüsho mihtsürübo ki thaang, ‘Nüsa nihbuh zangrü shido thsungkheak müsühkhitang, tüsho nüsanü shih tsühbah;’ tümüde nüsanü Atungpuhnü sode tripde thado, ‘Shepünü isa kilim shih jihba? Tümüde isa Ijip ching reangkeamde alakheah.’ Jumonü Atungpuhnü nüsa kilim shih jihbah, tüsho nüsanü atsühbah.

WÜHKHE 14:27

“ I azhihde dapdapneangneangkhi amütsü boto kheak inü külokhüh arümpü? Israelrü tsührübonü I azhihde dapdapneangneangkhi inü sodo.

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

ROMRÜ KILIM PAULNÜ ATHRÜTKHI KIHÜM HUHTANYU 13:2

Jumonü shepünü thiyukhüm-sühmühbo azhihchonü Thrünpuhnü amokhitkhi azhihchoh, tüsho shepünü azhihchonü nihbuh kheak mahkhap hande arübah.

1 KORINT 10:10

yungsho arü khürünü rhimobah athsümünimrünü adükheakshihkhi nangde isanü matsangnü.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.