ABEKHIT 16:6 - AMÜSÜH HÜM CL Bible (BSI)

⁶ Jumonü Mosa tüsho Aronnü Israelrü alala ki tha, “Ijip chingnü nüsa bekhitkhi ju Atungpuh ah de arelim nüsanü amükheahbah,

ABEKHIT 16:6 Iomraidhean Croise

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

MUNGSHIKHÜN 81:11

Tüshe I mihtsürünü I düsheak mani, tüsho Israelnü I ki mihyumani.

ABEKHIT 12:51

Tüsho ju nimung ching Atungpuhnü Israelrü arü bonungrü ayannü Ijip chingnü bekhit.

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 32:11

Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

WÜHKHE 16:28

Tüsho Mosanü tha, “ Ha hode harübo rhimoshihpü Atungpuhnü thiyikheah de nüsanü amükheahbah, tümüde jurübo inü amulongkhi chingnü rhimochoh yung.

WÜHKHE 16:30

Tüshe Atungpuhnü tümükhüh aso-thsüde rhimosho tüsho alonü mün kabahle arübo le kukrukbo muyusho tüsho arübo arhangnü alokhün ching yüzahsho, harü mihtsürübonü Atungpuh bahyuka lah de nüsanü amükheahbah.”