ABEKHIT 16:3 - AMÜSÜH HÜM CL Bible (BSI)

³ Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ABEKHIT 16:3 Iomraidhean Croise

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

JOB HU H T ANYU 3:1

Ha dunglim Jobnü api mün khimshuh tüsho api zübekhi nimung athru:

JOB HU H T ANYU 3:10

tümütüsho junü I be nuyam ripit mürih tüsho küpkhuk I mük kinü müram.

JOB HU H T ANYU 3:20

Tümüde küpkhuk ching larü kilim ayin jihkhea, tüsho me ching khühde larü kilim rhangdung jihkhea,

MUNGSHIKHÜN 107:5

Khümde tüsho kethüride, arü mulonglam müladebah.

MUNGSHIKHÜN 78:19

Am, arünü Thrünpuh azhihde asuk; arünü tha, “Thrünpuhnü sunglo ching dükhüm khülang thsakhamkhukla de?

MUNGSHIKHÜN 78:25

Mihtsürübonü yunirübo jim tsüh; Thrünpuhnü arü künkhi alala jih.

ABEKHIT 14:11

Judüki arünü Mosa ki tha, “Ijip ching kiuyuk mülakhinü isa sunglo ching sheshihpü nünü bede arükhea de? Tümüde nünü isa Ijip chingnü bekhitkhea?

ABEKHIT 17:3

Ju ching mihtsürübo kethüri tüsho Mosa azhihde dapdapneangneangde tha, “Tümüde isa le isa tsührübo tüsho akam-shiwühbo kethürinü asheshihpü Ijip chingnü abekhitkhea?”

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 42:14

thachoh, “Muh, isa Ijip lomi ching yübah, küching isanü thirithsü müngüpü la, yungsho hulipungpung düsheak muso yungsho yikhap mülakhinü khümsahde müla, tüsho ju ching isa labah,”

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

TÜZHOKHI 4:9

Nukshangnü alaksahrü ju akhümnü asherü kheaknü khatsübe lakheah, akhümkhinü rungkheamabah, arübo thulu ching tsühyungpü mülakhinü mukuhsah.

WÜHKHE 11:15

Nünü I kheak ha ruk rhimobasho, muzhobah kheakü ha chingnü I laksahang, jude athsükhi hode I küpkhukkhi inü müngülonü.”

WÜHKHE 11:20

tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

WÜHKHE 14:2

Tüsho Israelrü alalanü Mosa le Aron azhihde dapdapneangneang; boto alalanü ane ki tha, “ Isabo Ijip lo chingnü pü sheabahkhülaa! Yungsho isa ha sunglo chingnü sheabahkhülaa!

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 16:41

Ashidopü Israel mihtsürü boto alalanü Mosa tüsho Aron azhihde tha, “Nüsanü Atungpuh mihtsürü laksahdo.”

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

YUNIRÜBO RHIMO 26:29

Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

1 KORINT 4:8

Nüsa künkhi alala laabahdo! Nüsa alarü kamabahdo! Isa mübede nüsa kiulongthsürübo kamdo! Tüsho nüsa kiulongthsürü thsükhülaa, isanü nüsa lung yakzan shuhrungbah!

2 KORINT 11:1

I anükhüh mudukmükea lalashe nüsanü arümjang. I lung arümjang!

YUZÜNGTHALO 28:67

Yapsu nünü athabah, ‘O, ha are ah de müthsüde!’ ha nü mulong ching ajankhi, tüsho nü müknü angükhi hode alabah.

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

JIHUSUA 7:7

Tüsho Jihusuanü tha, “ Aya Atungpuh T HRÜNPU H ! Nü tümü thsüpü isa Jordan behode Amorrü khah ching sheshihpü arükhea le? Isa Jordan thripkhüh thsüpü reangkeamde lashihkhülaa tsüdo: