ABEKHIT 16:15 - AMÜSÜH HÜM CL Bible (BSI)

¹⁵ Jumonü küyimki Israelrünü ju ngükhea, arü khülangnü khülang ki thaachih, “Ha tümü a?” Tümütüsho ju tümüanü arünü mümükheah. Tüsho Mosanü arü ki tha, “Ha Atungpuhnü nüsa tsühshihpü yikhap jihkheah.

ABEKHIT 16:15 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 105:40

Mihtsürübonü kheang, tüsho apinü wuhkhi lude arü, tüsho yinmi yikhapbonü arü reangkeamshih.

MUNGSHIKHÜN 78:24

apinü atsühshihpü arü kheak manna akishih, tüsho arü kilim yinmi yikhap jih.

ABEKHIT 16:31

Tüsho Israel mihtsürübonü ju mung Manna de ji. Tüsho ju rhümthünea woninji amüye nangde, tüsho akekhi ju mukhuke bede anungkhi yikhap nangde alakheah.

ABEKHIT 16:33

Tüsho Mosanü Aron ki tha, “Phüh khülang luang tüsho nüsa tsühsoniusobo thsungkheak zopü manna pungdüchi 2 yukang.”

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

MÜCHITMUDU 9:5

“Arang, I yikhap tsühang tüsho inü arhukhi yukhu yungang.

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

LUKNÜ ATHRÜTKHI THIYUSHEAK-ATSÜ HUHTANYU 12:30

Tümüde alomi trükshihbo alalanü harü yimchoh; tüsho nüsa harü yihnüpü lah de nüsa Abuhnü mükheahlah.

JOHAN 6:49

Nüsa jipürübo sunglo ching manna tsüh, tüsho shedo.

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

1 KORINT 10:3

tüsho alalanü rukhüh me jim tsüh

YUZÜNGTHALO 8:16

Akheam ching nüsa tsüde alashihpü apinü nüsa kilim nüsa bebuhrünü küyimkishe mümükheahkhi, nüsa azhihayihshihpü tüsho rükakipü atsühbe manna kip.

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;

JIHUSUA 5:12

Arünü ju lo chingnü akhiukkhi tsüh nimungnü ründe manna makidebah, tüsho Israelrübonü judürü müngülo tüshe arünü ju kam a Kanan chingnü akhiukkhi tsühyungpü tsüh.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’