ABEKHIT 15:8 - AMÜSÜH HÜM CL Bible (BSI)

⁸ Nünü keto kheak müt tüsho ke rhungkih; ha rhü khülang nangde lah-a mudung; keto kero phulung ju khunungabah.

ABEKHIT 15:8 Iomraidhean Croise

2 SAMUEL 22:16

Judüki keto rubo ngüde kam, Atungpuh bukakhiukkhinü, api nupung sheak akhiukkhinü, alomiküp khimtan aleangkheak kam.

JOB HU H T ANYU 4:9

Thrünpuh sheak hode arü dükheakchoh, tüsho api bukakhiukkhi hode arü muyuabah.

MUNGSHIKHÜN 33:7

Apinü ketobo dangpung khülang bemukhung; apinü muliuke asükbo zowupung ching rihdoa zo.

MUNGSHIKHÜN 78:13

Apinü keto azüshih tüsho arü hoshih; tüsho apinü kebo ju rhübo nangde zhipshih.

ABEKHIT 14:29

Tüshe Israelrü a kero phulung ching alo akung kheaknü tsah, tüsho kebo ju arü khah tsülim tüsho huzulim rhü nangde alakheah.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 37:7

Inü api kheak me yukjihbah, junangde apinü kiubuyu khülang sobah, tüsho anihbuh lomi lim rholobah; inü anihbuh khah ching yo nukshangnü api lungshihbah.”

HABAKKUK 3:10

Müzüngbonü nü ngüchoki, arünü ajan; thüningbo chingnü kebo bukkhi. Alomi khüp kebonü ahuk tüsho arü abükkhibo changde yükih.

HABAKKUK 3:15

Nünü nü khorabonü keto jung, ke atobo rhuzhihzhih.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

JIHUSUA 3:13

Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.