ABEKHIT 15:26 - AMÜSÜH HÜM CL Bible (BSI)

²⁶ tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 15:26 Iomraidhean Croise

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

2 KIULONG THSÜRÜ 2:21

Judüki apinü kenü ching yü tüsho ju ching thimi bah, tüsho tha, “Atungpuhnü ha thachoh, Inü ha ke thsüngudo; kheakünü rünbah ha chingnü ashekhi yungsho alo mütsüde müla.”

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

2 KIULONG THSÜRÜ 22:2

Apinü Atungpuh miki alungki rhimo, tüsho abuh David limro alala ching tsah; apinü tsülim yungsho huzulim manguh.

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

MUNGSHIKHÜN 103:3

shepünü nü neakbo alala bahjihcho, shepünü nü tukthsübo alala thsüngucho,

MUNGSHIKHÜN 147:3

Apinü mulong tukthsürü thsünguchoh tüsho arü mübo rümjihchoh.

MUNGSHIKHÜN 81:9

Nüsa bolung khiungkerü thrünpuh mülade alabah; yungsho nüsanü khiungkerü thrünpuh mükingaün.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 23:25

Junangde nüsanü Atungpuh nüsa Thrünpuh tankihbah, tüsho apinü nüsa yikhap tüsho ke müngühjihbah. Tüsho inü nüsa bolungnü tukthsüdukram lude atsobah.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 17:24

Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 18:5

Mürangkhüh thiyuro-lungki mihtsürü khülang thiyuro tüsho alungki rhimorü lakhülaa–

HOSEA 11:3

Tütüshe Ephraim thsangyua tsahshihkhi ju I ah, inü arübo I bin kheak shuhkih-a lu; tüshe inü arü thsüngudo de arünü mümükheah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

LEVI 26:13

I Atungpuh nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

LEVI 26:3

Nüsanü I yakzan thsükhibo yansho tüsho I yuzüngbo thiyuronü leangkhisho,

WÜHKHE 12:13

Jumonü Mosanü Atungpuh ki zhide tha, “O Thrünpuh, alibe thsüngujang de inü nü ki mushuchoh.”

YUZÜNGTHALO 12:25

Nünü ju dütsüh, junangde küyimki nünü Atungpuh miki alungki rhimobanü, nü tüsho nü dunglim tsührübo kheak tsüde alabah.

YUZÜNGTHALO 12:28

Inü nü ki thiyukhüm jihkhibo ha leangkhiang tüsho aniang, junangde küyimki nünü Atungpuh nü Thrünpuh miki atsü tüsho alungki rhimobanü nü tüsho nü dunglim tsührübo kheak lünnü tsüde alabah.

YUZÜNGTHALO 13:18

tümütüsho inü khihni nüsa ki api yukhüm jihkhi Atungpuh miki alungki rhimopü Atungpuh nüsa Thrünpuh düsheak nüsanü anido.

YUZÜNGTHALO 28:27

Ijip ching lakhi phanjakkhuh, mü, müshak rangrangrurubo chingnü müthsüngukhukpü thsüde Atungpuhnü nüsa kheak thsümüchibah.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

YUZÜNGTHALO 28:60

Tüsho apinü nüsa kheak Ijip ching lakhi nüsanü trede alakhi tukthsü arüshihbah, tüsho jurü nüsa kheak müripkih-a labah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 7:15

Tüsho Atungpuhnü tukthsü nüsa kheaknü hande atsobah; nüsanü amükheahkhi tukthsü Ijip ching lakhi tümü she nüsa kheak marüshih, tüshe apinü jurübo nüsa thraneanrübo kheak yükihshihbah.