ABEKHIT 15:25 - AMÜSÜH HÜM CL Bible (BSI)

²⁵ Tüsho apinü ATUNGPUH ki zhi; Atungpuhnü api ki sang khülang huh, tüsho apinü ju ke ching jipyukshe, ke ju aniung kam. Ju ching apinü arü thsungkheak yakzan tüsho thiyuzüngbo thsakham. Tüsho apinü ju ching arü rükakheah,

ABEKHIT 15:25 Iomraidhean Croise

2 KIULONG THSÜRÜ 2:21

Judüki apinü kenü ching yü tüsho ju ching thimi bah, tüsho tha, “Atungpuhnü ha thachoh, Inü ha ke thsüngudo; kheakünü rünbah ha chingnü ashekhi yungsho alo mütsüde müla.”

2 KIULONG THSÜRÜ 4:41

Apinü tha, “Ayikangkang anükhüh lude arang.” Apinü ju phüh ching kamyuk, tüsho tha, “Mihtsürübo ki ahiuhang tüsho arübo tsühshang.” Tüsho phüh ching athsümünimbe tümü mülade alakheah.

2 KIULONG THSÜRÜ 6:6

Judüki Thrünpuh mihtsürünü tha, “ Küching yüzah de?” Küyimki apinü anihbuh ki dangpung huhkhea, apinü sangkheam khapshak tüsho ju ching jipa yüzahshih, tüsho yinchi ju phungde akih.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 66:10

O Thrünpuh, nünü isa rükakheahdo; nünü isa shotoyinchi nangde tsangkhit.

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ABEKHIT 14:10

Küyimki Pharao phünide ayükhea, Israelrünü zünga kheah, tüsho Ijiprü arü dunglim müshamde alakheah. Jumonü arünü khide tre, tüsho Israelrünü Atungpuh ki zhi.

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

ABEKHIT 17:4

Jumonü Mosanü Atungpuh ki zhide tha, “Inü ha mihtsürü kheak küde athsüba? Arünü I lungnü arupü thsüchoh!”

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 9:7

Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

EZEKIEL 47:7

I alode arüchoki, ayung khülang münküp kheak thripkhüh tüsho püpü thrip sangdung ahihdo inü ngü.

EZEKIEL 47:8

Apinü I ki tha, “Ha ke aniakhiuklim bukde yüchoh tüsho Araba lim yükichoh; tüsho küyimki ha amubukkhi keto ching yüzahbanü, ke ju aso kambah.

1 KORINT 1:18

Tümütüsho dükheakde alarü ki sangkim yusheak ju makhakhi, tüshe isa khümkhita larü ki a Thrünpuh wu ah.

YUZÜNGTHALO 13:3

nüsanü wukihrü yungsho milim müchitrü ki dani, tümüde atsütsü nüsanü Atungpuh nüsa Thrünpuh mulong alalanü tüsho me alalanü muzhola shi yungnü ju mükheahpü Atungpuh nüsa Thrünpuhnü nüsa rükakichoh.

YUZÜNGTHALO 8:16

Akheam ching nüsa tsüde alashihpü apinü nüsa kilim nüsa bebuhrünü küyimkishe mümükheahkhi, nüsa azhihayihshihpü tüsho rükakipü atsühbe manna kip.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

MAHKHAPRÜ 2:22

junangde jurü hode inü Israelrü ju arü bebuhrünü Atungpuh limro ching tsahkhi nangde rhimonahnü rükakiakheahbah.”

MAHKHAPRÜ 3:1

Jumonü Atungpuhnü trükshih harü Israelrü rükakipü Kanan ching thirithsü ching müyüakheahrübo zojih.

MAHKHAPRÜ 3:4

Arübo ju Atungpuhnü Mosa hode arü bebuhrü kilim jihkhi Atungpuh yukhüm aninahki de Israelrü rükakipü lakheah.