ABEKHIT 15:20 - AMÜSÜH HÜM CL Bible (BSI)

²⁰ Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

ABEKHIT 15:20 Iomraidhean Croise

THRÜNTAN 31:27

Tümüde nünü jikde atsokhea, tüsho I rükakikhea, tüsho züpzüppü le bingkhungbo bede asühkhi khün thsüde ayüshihpü I ki müthakhea?

2 SAMUEL 1:20

Gad ching dütha, Ashkelon kiudunglimrobo ching düzhi; jude yungsho Filistiarü tsührübonü asühachihbah, tsütamübahkhi tsührübonü asühachihbah.

2 SAMUEL 6:14

Davidnü achim kheak amükeamrü khimnü rümbah A TUN GPU H miki asühmüh alalanü tsün.

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

2 SAMUEL 6:5

David tüsho Israel yamkhün alalanü arü sühmüh alalanü khün thsüde, bingkhung, bingshang, züpzüppü, akingbe tüsho larüp shuhbah A TUN GPU H müngüh tsün.

2 KIULONG THSÜRÜ 22:14

Jumonü Hilkia amükeambuh, Ahikam, Akbor, Shaphan, tüsho Asaianü arüngyam shungliu neakbuh Harhas tsührü, Tikva tsührü Shallum niube amükeambe Hulda kilim yü; alibe Jirusalem ching thüyam mahnepü ching lakheah, ju ching arünü anihbe ki asukachih.

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 6:3

Amram tsührübo: Aron, Mosa, tüsho Miriam. Aron tsührübo: Nadab, Abihu, Eleazar, tüsho Ithamar.

NEHEMIA 6:14

Inü tamkhüntamnü, “Thrünpuh, Tobia le Sanballat bünenü arhimokhi ju lümkhitang tüsho ane thsümüchiang. I müzünrü alibe Nodia tüsho wukihrü püpürübo lümkhitang.”

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 150:4

Züpzüppü bede tüsho tsünde api shiang; aliu kihkhi kingzükingdobe tüsho khungpibo bede api shiang!

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

MUNGSHIKHÜN 68:11

Atungpuhnü thiyukhüm jih; ju zhiyukpü boto ato lakheah:

MUNGSHIKHÜN 68:25

Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

MUNGSHIKHÜN 68:26

Mukhungmüdan ato ching Thrünpuh shiang; nüsa Jakob tsühsoniuso alala, Atungpuh shiang.

MUNGSHIKHÜN 81:2

Khün tankihang, züpzüppü kingang, bingshang tüsho bingkhung khungang.

ABEKHIT 2:4

Khungarü kheak ju tümü dünjibanü de achinü limshu chingnü kheahde zhip.

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

WÜHKHE 12:1

Mosanü Kushberü lukhi dünkheak Miriam le Aron anenü azhihde tha.

WÜHKHE 12:2

Anenü tha, “Atungpuhnü Mosa hodü lang asukkhea de? Apinü isa hodü she masukkhea de?” Tüsho Atungpuhnü ju so.

WÜHKHE 20:1

Israel mihtsürü boto athrünkhi, khinu akhuhbe ching Zin sunglo ching arübah mihtsürübo Kadesh ching la; tüsho ju ching Miriam shea kiuyukabah.

WÜHKHE 26:59

Amram niube ju Levirü tsührü Ijip chingnü azübekhi, Jokebed; tüsho anihbenü Amram kilim Aron, Mosa tüsho Miriam zübejih.

LUKNÜ ATHRÜTKHI THIYUSHEAK-ATSÜ HUHTANYU 2:36

Tüsho Asher trük chingnü Phanuel tsührü wukihrü liberü khülang Anna khide shina lakheah; alibe yamkhün thsübah aniubuh lung kam thüne lakheah,

YUNIRÜBO RHIMO 21:9

Tüsho api tsührü amürhangrü aliberü müchitrü 4 lakheah.

1 KORINT 11:5

tüshe aliberü shepünü ku müdukiude tamkhüntamnücho yungsho müchitchonü aniubuh wüntre müjihchoh–ju anihbe ku hüta bahkhi ruk ah.

1 KORINT 14:34

borübo ching aliberübonü zhikde alabeah. Tümüde arünü athapü mümülü, tüshe yakzannü athakhi nangde arübo abukkhüp larü thsübeah.

MAHKHAPRÜ 11:34

Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

MAHKHAPRÜ 21:21

tüsho kheahang; tüsho küyimki Shilo liberübo atsünpü akhiukbanü, kurungasolubo chingnü akhiukang tüsho athrürü abannü Shilo liberü bolungnü niuberü thsüpü ramang; jushu Benjamin lo ching yüang.

MAHKHAPRÜ 4:4

Ju kim ching Lapidoth niube wukihrü Debora ju Israel mahkhapde alakheah.

1 SAMUEL 10:5

Ju dunglim nü Filistiarü binkheampung Gibeath-elohim ching arübah; ju ching, nü kiuto lim arüchoki, nünü wukihrü bokhüh bingkhung, züpzüppü, khungpi, tüsho bingshang khungde kingaün sadam limnü akikhi shorubah; arübonü müchitmudude aphaparabah.

1 SAMUEL 18:6

Davidnü Goliath laksahbah alodarüshu arübo thüyam lim arüchoki, Israel kiutobo chingnü aliberübo khün thsüde tüsho tsünde kiulongthsüpuh Saul shorupü züpzüppü shuhbah, asühkhi khünbo thsüde tüsho khün khungbebo shuhbah arü.