ABEKHIT 15:13 - AMÜSÜH HÜM CL Bible (BSI)

¹³ “Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 15:13 Iomraidhean Croise

THRÜNTAN 19:16

Api nihnihde alachoki, mihtsürünenü api khah, aniube khah, tüsho atsührübe mahne khahbo kheak, Atungpuhnü api ki amüthsüm lade tholo, tüsho anenü api bekhit tüsho kiuto aleanglim zojih.

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

NEHEMIA 9:12

Animung amo dungtonü nünü arü be tüsho mo dungtonü azhing ching arü limro yinshih.

MUNGSHIKHÜN 106:9

Apinü Amürüm Keto she thürüh, tüsho ju ngahabah; junangde apinü arü asükbo hode, sunglo hode be.

MUNGSHIKHÜN 74:2

Nünü adüsonü amokhitkhi nü borü, nü yamrüplurüp thsüpü rhokhitkhi lümkhitang! Nü lakhi Zion Müzüng lümkhitang.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

MUNGSHIKHÜN 78:35

Judüki arünü Thrünpuh ju arü lungto, tüsho Khide Achang Thrünpuh ju arü rhokhitrü ah de lümkhit.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ABEKHIT 15:17

Nünü arü bede yüzahbah nü wung kheak khimbah, O Atungpuh , nünü nü lapung thsükhi dangpung, O Atungpuh , nü khahnü athsükhi arüngakopung.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 51:10

Keto ato asükbo ngahshihkhi nü yung de; rhokhita larü hopü thsüde shenü keto asük limro thrünkhea?

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.