ABEKHIT 15:10 - AMÜSÜH HÜM CL Bible (BSI)

¹⁰ Nü sheaknü müta arübo ketonü zhidoabah; yinchi mülang nangde arübo ke ato ching keamyuk. @SPACE=

ABEKHIT 15:10 Iomraidhean Croise

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 SAMUEL 18:8

Thirithsü ju lomi alala ching bude yü; tüsho nukshangnü alaksahkhi kheaknü alübe thsüde murung chingnü she.

NEHEMIA 9:11

Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

MUNGSHIKHÜN 135:7

Apinü alomi akheam chingnü kesheakbo akihshihchoh; apinü tsüng thsungkheak chinchobe thsüchoh; apinü api rahpungbo chingnü apung bekhitchoh.

MUNGSHIKHÜN 147:18

Apinü api yu yüshihchoh tüsho jurü niushihchoh; apinü api pung yünshihchoh, tüsho kebo bukchoh.

ABEKHIT 14:21

Judüki Mosanü keto kumung akhah chungkih; tüsho Atungpuhnü aniakhiuklim amüküp pungnü tsüngre amuyung yünlode tsoshih, tüsho keto ju alo akung kamshih, tüsho kebo ju azüabah.

ABEKHIT 15:5

Kekingnü arü zündo; lung khülang nangde arübo asükbo ching yüzah.

MÜCHITMUDU 30:4

Shepü yinmi ching yükihbah akilokhea? Shepünü amüyi ching apung zhimkhea? Shepünü khim chingnü ke dümkhea? Shepünü lomi aredungbo thsüjihkhea? Nünü mükheahlasho, api mung she a, tüsho api tsührü mung she a?

ISAIA 11:15

Tüsho Atungpuhnü Ijip keto ngahshihbah; tüsho api pung atak bede keto kheak akhah ayitbah; tüsho keru thüne chamnakbah, tüsho jingnü ahopü limro khülang kamshihbah;

JEREMIA 10:13

Küyimki api düsheak alankhea, thüningbo ching ke arung tüsho apinü alomi akheam chingnü amo yükihshihchoh. Apinü tsüng thsungkheak chinchobe phürapshihchoh, tüsho apinü zowupung chingnü apung bekhitchoh.

JEREMIA 46:17

Ijip kiulongthsüpuh Pharao kilim mung aso khülang jihang, “Thiyu-tobuh shepünü anihbuh kim atsü lakphahkhea.”

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

MATHI 8:27

Tüsho mihtsürübonü müyinsahde tha, “Apung tüsho ketonü she anipü thsüde ha tümü mihtsürü a!”

YUZÜNGTHALO 11:4

tüsho apinü Ijip bonungrü, arü khorabo tüsho khora-lolungbebo kheak rhimokhi; apinü arü nüsa müshamde arüchoki Amürüm Keto bukmishihkhi, tüsho Atungpuhnü arü khihni ha khiungde dükheakshihkhi;