ABEKHIT 14:31 - AMÜSÜH HÜM CL Bible (BSI)

³¹ Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ABEKHIT 14:31 Iomraidhean Croise

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

NEHEMIA 9:9

Isa jipürü Ijip ching thsünükhi nünü ngü; Amürüm Keto ching arünü arung kheangde azhikhi nünü so.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

ABEKHIT 19:9

Tüsho Atungpuhnü Mosa ki tha, “Kheahang, inü nü ki asukkhi mihtsürübonü sobah nü kheak lünnü akin lapü thsüde I nü kilim amo akheah ching arükheah.” Junangde Mosanü mihtsürübo yu Thrünpuh ki tha.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

LUKNÜ ATHRÜTKHI THIYUSHEAK-ATSÜ HUHTANYU 8:13

Tüsho lungmi kheak hiukihkhi ju thiyu sobah asühde aleangkhirü ah; tüshe harü aying müla, arünü anükhüh kheak kinchoh tüsho rükaki kim ching ayoabahchoh.

JOHAN 11:45

Judüki Mari lung arürü Jihudarü ahihkhühnü Jisunü arhimokhi ngübah api kheak kin.

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

YUNIRÜBO RHIMO 8:13

Simon she kin, tüsho bapti dunglim Philip yande tsah, tüsho amüyinsahbe le khinthiyinbebo ngübah api müyinsah.

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

JIHUSUA 24:7

Küyimki arünü I ki zhikhea, inü arü le Ijiprü dükeak zhingdoshih, tüsho keto ju Ijiprü kheak bukde arüshihbah arübo thüraksah. Inü Ijiprü kheak tümü rhimokheanü nüsa müknü ngüdo; ju dunglim nüsa sunglo ching ashangkhüh lado.

JIHUSUA 4:14

Ju nimung Atungpuhnü arhimokhi hode Israel mihtsürü miki Jihusua ato kamshih. Mosa kheak wüntre jihkhi nangde api rhangdung amuyung arünü api kheak wüntre jih.

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

1 SAMUEL 12:16

Jumonü kheakü nüsa düngde zhipang tüsho Atungpuhnü nüsa mük ki ha ato rhimokhi kheahang.

1 SAMUEL 12:18

Jumonü Samuelnü Atungpuh ki ji, tüsho Atungpuhnü ju nimung tsüngmuk tüsho tsüng arüshih; tüsho mihtsürü alalanü Atungpuh tüsho Samuel khide tre.