ABEKHIT 14:30 - AMÜSÜH HÜM CL Bible (BSI)

³⁰ Jumonü Atungpuhnü ju nimung Ijiprü khah chingnü Israel khümkhit, tüsho Ijiprübo keyean shea lakhi Israelnü ngü.

ABEKHIT 14:30 Iomraidhean Croise

2 KIUTHSÜYUKHEAN 32:22

Jumonü Atungpuhnü Hezekia tüsho Jirusalem ching larübo Asiria kiulongthsüpuh Sennakerib tüsho api riri alala khah chingnü khümkhit; apinü thrip abande arü ki mungtsü jih.

MUNGSHIKHÜN 106:10

Apinü arübo thraneanrü khah chingnü khümkhit, tüsho thiriri khah chingnü arü rhokhit.

MUNGSHIKHÜN 106:8

Judüalalashe api mung chingnü apinü arü khümkhit, junangde apinü api wu ato mükheahshihpü lakheah.

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 59:10

I Thrünpuhnü api muzhodakkhi ching I shorubah; I Thrünpuhnü I riri kheak akuk ngükhi kheahshihbah.

MUNGSHIKHÜN 91:8

Nü mükbonü akheahbah, tüsho mihbukmuyuk thsümüchikhi ngübah.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

ISAIA 63:8

Tümüde apinü tha, “Tsükjide arübo I mihtsürü, amülim müthsüpü tsührübo”; tüsho api arü khümkhitrü kam.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

JUDNÜ ATHRÜTKHI KIHÜM HUHTANYU 1:5

Nüsanü khülangki, shepünü Ijip lomi chingnü mihtsürü khümkhitbah, ju dunglim amükinrübo dükheakshihkheanü tsüde mükheah-a lalashe, inü nüsa ki lümkhitloshihpü mulonglah.

MAHKHAPRÜ 10:11

Jumonü Atungpuhnü Israelrü ki tha, “Inü nüsa Ijiprü, Amorrü, Amonrü tüsho Filistiarü kheaknü abekhitkhi yung de?

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 14:23

Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.