ABEKHIT 14:25 - AMÜSÜH HÜM CL Bible (BSI)

²⁵ Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ABEKHIT 14:25 Iomraidhean Croise

2 KIUTHSÜYUKHEAN 20:29

Küyimki arünü Israel riri kheak Atungpuhnü keochihkhi sokhea, Thrünpuh trekhi lomibo kiulongthsü alala kheak lakheah.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 6:16

Küyimki isa riri mühirü lomibonü ha sokhea, arübo tre tüsho achihde lüm tümüde Thrünpuh arung hode rhimo akhik thsüdo de mihbüm abannü mükheah.

NEHEMIA 9:11

Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

JOB HU H T ANYU 11:20

Tüshe mihbukmuyuk mürüngmürakhibo amukuk ngübah; tsokhitpung limro alala chingnü arü akeangkeang kambah. Tüsho arü mulonglam ju arü rhangdung akheam thsübah. Job.

JOB HU H T ANYU 20:24

Api yinchi thsühnuk kheaknü atsobah; müwayinchi hühzonü api düchipashungbah.

JOB HU H T ANYU 27:22

Api kheak amuzho mülade yüna bahchoh; api ku koyubah ju wu chingnü tsochoh.

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 68:12

“ Kiulongthsürübo le bonungrübo alihde tsochoh, tüsho aliberübo thüyam ching aninga larünü ayankhikhi kukruk chamchoh.

MUNGSHIKHÜN 76:6

O Jakob Thrünpuh, nünü athürühkhinü khorabo tüsho khoraberü chido shea yaplah.

ABEKHIT 14:14

Atungpuhnü nüsa thsungkheak keochihbah, tüsho nüsa zhikde laang.”

ABEKHIT 14:18

Küyimki inü Pharao, api khora-lolungbebo, tüsho api khoraberü kurungkheak müretah ngübanü Ijiprünü I Atungpuh de amükheahbah.”

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 15:3

Atungpuh a athrungrü mihtsürü ah; Atungpuh ju api mung ah. @SPACE=

ISAIA 31:4

Tümüde Atungpuhnü I ki ha thado, Kekhüzü yungsho kekhüzü nununü shih kheak arungkhi nangde, tüsho–mihnu neakrü botonü ayankhipü zhibanü–arü zhikhinü mümüyinsah yungsho arü alankhinü mutuklo, junangde Wuto Atungpuh Zion Müzüng tüsho awungbo kheak thirithsüpü akibah.

JEREMIA 51:21

nü hode inü khorabo tüsho ju kheak binrü yümnakchoh; nü hode inü khora-lolungbe tüsho aberü yümnakchoh;

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

YUZÜNGTHALO 1:30

Nüsa müngüh yübuh Atungpuh nüsa Thrünpuhnü Ijip ching nüsa mük ki rhimokhi nangde, nüsa thsungkheak keochihjihbah,

YUZÜNGTHALO 3:22

Arü dütre; tümüde Atungpuh nüsa Thrünpuhnü aküdah thsüde nüsa thsung thsüde keochihchoh.

YUZÜNGTHALO 32:31

Tümüde arü thrünpuh ju isa Thrünpuh ruk yung, isa riribonü she arü küdah thsüde mütsanlah.

JIHUSUA 10:14

Atungpuhnü mihtsürü khülang düsheak anikhi hadürü nimung küyimkishe dünjia mükheah; tümüde Atungpuhnü Israelrü thsungkheak keochih!

MAHKHAPRÜ 4:15

Atungpuhnü Sisera le api khora-lolungbe tüsho bonungrübo alala nukshangnü Barak müngüh laksahkham, tüsho Sisera ju api khora-lolungbe kheaknü akibah ajingnü alihde tso.