ABEKHIT 14:22 - AMÜSÜH HÜM CL Bible (BSI)

²² Jumonü Israelrünü kero phulung alo kheak yüzah, tüsho kebo ju arü khah tsülim tüsho huzulim rhü nangde alakheah.

ABEKHIT 14:22 Iomraidhean Croise

2 KIULONG THSÜRÜ 2:14

Apinü Elija kheaknü ayokhikhi khimniuniu lubah ke rhapde tha, “Elija Thrünpuh, Atungpuh kükheak la?” Küyimki apinü ke rhapkhea, ke ju azüabah, tüsho Elishanü hode yü.

2 KIULONG THSÜRÜ 2:8

Judüki Elijanü api khimniuniu lu tüsho ju hingthulungbah ke rhap; ane muhochoki khiungde ke ju azüabah.

NEHEMIA 9:11

Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

MUNGSHIKHÜN 106:9

Apinü Amürüm Keto she thürüh, tüsho ju ngahabah; junangde apinü arü asükbo hode, sunglo hode be.

MUNGSHIKHÜN 136:13

Amürüm Keto mahne thsüde azüshihbuh kilim, tümüde api amüthsüm lünnü rünkhiungde lah;

MUNGSHIKHÜN 136:14

tüsho ju phulungnü Israel tsahhoshih, tümüde api amüthsüm lünnü rünkhiungde lah;

MUNGSHIKHÜN 66:6

Apinü keto ju akung lo kamshih; arünü jingnü ayung hode yü. Isanü ju ching api lung asühachih.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

MUNGSHIKHÜN 78:13

Apinü keto azüshih tüsho arü hoshih; tüsho apinü kebo ju rhübo nangde zhipshih.

ABEKHIT 14:29

Tüshe Israelrü a kero phulung ching alo akung kheaknü tsah, tüsho kebo ju arü khah tsülim tüsho huzulim rhü nangde alakheah.

ABEKHIT 15:19

Tümüde Pharao khorabo api khora-lolungbebo tüsho khoraberübo lung keto ching yüzah, tüsho Atungpuhnü arü kheak keto kebo belodarü. Tüshe Israelrü kero phulung ching alo akung kheaknü yü.

ABEKHIT 15:8

Nünü keto kheak müt tüsho ke rhungkih; ha rhü khülang nangde lah-a mudung; keto kero phulung ju khunungabah.

ISAIA 11:15

Tüsho Atungpuhnü Ijip keto ngahshihbah; tüsho api pung atak bede keto kheak akhah ayitbah; tüsho keru thüne chamnakbah, tüsho jingnü ahopü limro khülang kamshihbah;

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 43:16

Atungpuhnü ha thachoh, shepünü keto ching limro thsücho tüsho ke amülak ching tsahpung thsücho,

ISAIA 51:10

Keto ato asükbo ngahshihkhi nü yung de; rhokhita larü hopü thsüde shenü keto asük limro thrünkhea?

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

ISAIA 63:13

shepünü asükbo hode arü bekhea? Loshelo ching khora nangde arü jing mümükhe.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

WÜHKHE 33:8

Arü Pi-hahiroth chingnü keto hode sunglo ching yü, tüsho arü Etham sunglo ching nimung mahsam tsahchoki, arü Mara ching binkheam.

1 KORINT 10:1

Keoniorübo, isa jipürübo amo khüp lakheah, tüsho alalanü keto hokheah de nüsanü lümkhitshihnelah,

IBRI 11:29

Akin hode mihtsürübonü alo akung kheak nangde Amürüm Keto ho; tüshe Ijiprü a ju ruk thsüpü mürangchoki thüraksahabah.

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 3:17

Küyimki mihtsürübo akung lo kheak tsahhode ayükhea, mihtsürü alala muhokhamchoki amükeamrübonü Atungpuh tangzüng sangdan shuhbah Jordan phünide akung lo kheak zhipde aleang.

JIHUSUA 4:22

Israelrü Jordan hode akung lo ching yükhi arü ki mükheahshang.

1 SAMUEL 25:16

isa arü lung namfimihnu neakchoki azhing tüsho animung chido arübo isa chipi lakheah.