ABEKHIT 14:17 - AMÜSÜH HÜM CL Bible (BSI)

¹⁷ Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:17 Iomraidhean Croise

THRÜNTAN 50:9

Tüsho ju ching api lung khoralolungbebo tüsho khoraberübo wutu, tüsho ju khide hihde mukhunga lakheah.

THRÜNTAN 6:17

Inü thüning bukkhüp rhangdung sheak lakhi loriloko alala dükheakshihpü alomi kheak keking arüshihbah; alomi kheak lüpdükhi ashebah.

THRÜNTAN 9:9

“Kheakü inü nü tüsho nü dunglim nü tsühsoniusobo kheak I tangzüng thsüchoh,

ABEKHIT 14:23

Ijiprübonü müshamde yü tüsho arü dunglim Pharao khorabo, api khora-lolungbebo, tüsho api khoraberü alala kero phulung yüzahabah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ABEKHIT 7:3

Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

ISAIA 48:15

I, inü she asuk tüsho api jikheah, inü api bedarü, tüsho api limro ching akuk ngübah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

JEREMIA 23:39

jumonü tsükjide inü nüsa thrüa lubah tüsho nüsa le nüsa jipürü kilim inü ajihkhi kiuto I mikinü jipa bahbah.

EZEKIEL 28:22

tüsho thaang, Atungpuh Thrünpuhnü ha thachoh: Inü nü azhihde lah, O Sidon, tüsho nü phulung ching inü müretahbah. Küyimki inü ju ching mahkhapba, tüsho ju ching I amüsüh akhiukba, arünü I Atungpuh de mükheahbah;

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

EZEKIEL 34:20

Jumonü, Atungpuh Thrünpuhnü arü ki ha thachoh: Inü amüdangkhi tüsho akukruk namfimihnu dükeak mahkhapbah.

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

MAHKHAPRÜ 4:7

Inü Jabin bonungrü abebuh Sisera api khora-lolungbebo tüsho bonungrübo Kishon yung ching münitde azahbah; tüsho inü api nü khah ching jihbah.”

1 SAMUEL 6:6

Tümüde nüsanü Ijiprü tüsho Pharaonü mulong müküpkhi nangde nüsa mulong müküpcho? Apinü arü kheak thsümüchishu lang arünü mihtsürü chamkhibah mutsoshihkhea de?