ABEKHIT 14:14 - AMÜSÜH HÜM CL Bible (BSI)

¹⁴ Atungpuhnü nüsa thsungkheak keochihbah, tüsho nüsa zhikde laang.”

ABEKHIT 14:14 Iomraidhean Croise

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

2 KIUTHSÜYUKHEAN 20:29

Küyimki arünü Israel riri kheak Atungpuhnü keochihkhi sokhea, Thrünpuh trekhi lomibo kiulongthsü alala kheak lakheah.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 4:20

Jumonü küching hulipungpung düsheak nüsanü asobanü, isa mühide ju ching mukhungang. Isa Thrünpuhnü isa thsung thsüde keochihbah.”

NEHEMIA 9:11

Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

MUNGSHIKHÜN 83:1

Malande düla, O Thrünpuh; nü mungtsü dütholo, tüsho zhikde düla, O Thrünpuh!

ABEKHIT 14:15

Tüsho Atungpuhnü Mosa ki tha, “Tümüde nüsanü I ki zhicho? Israelrü ki mikhuh yüpü thaang.

ABEKHIT 14:25

Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ABEKHIT 15:3

Atungpuh a athrungrü mihtsürü ah; Atungpuh ju api mung ah. @SPACE=

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

TÜZHOKHI 3:26

Khürünü Atungpuh akhümkhit thsungkheak zhikde aleangkhi ju tsülah.

YUZÜNGTHALO 1:30

Nüsa müngüh yübuh Atungpuh nüsa Thrünpuhnü Ijip ching nüsa mük ki rhimokhi nangde, nüsa thsungkheak keochihjihbah,

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

YUZÜNGTHALO 3:22

Arü dütre; tümüde Atungpuh nüsa Thrünpuhnü aküdah thsüde nüsa thsung thsüde keochihchoh.

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

JIHUSUA 10:14

Atungpuhnü mihtsürü khülang düsheak anikhi hadürü nimung küyimkishe dünjia mükheah; tümüde Atungpuhnü Israelrü thsungkheak keochih!

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

JIHUSUA 23:10

Nüsa khülangnü lang she mihtsürü chithürü alihde tsoshihkhuklah, tümütüsho apinü thiyuchihchimkhi nangde, Atungpuh nüsa Thrünpuhnü nüsa thsung thsüde keochihchoh.

JIHUSUA 23:3

tüsho nüsa thsungkheaknü Atungpuhnü lomibo kheak tümü rhimokheanü nüsanü mükheahlah, tümüde Atungpuh nüsa Thrünpuhnü nüsa thsung thsüde keochihjihdo.

MAHKHAPRÜ 5:20

Thüningbo ching chiningbonü keochih, arünü arü limrobo chingnü Sisera azhihde keochih.

1 SAMUEL 4:7

Filistiarünü tre; tümüde arünü tha, “ Thrünpuh binkheampung ching arüdo.” Kheaküshe arünü tha, “Isa are! Tümütüsho tümü lang she ha ruk püpüki müdünji.