ABEKHIT 14:13 - AMÜSÜH HÜM CL Bible (BSI)

¹³ Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ABEKHIT 14:13 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 49:18

Inü nü akhümkhit aleanglah, O Atungpuh . @SPACE=

2 KIULONG THSÜRÜ 6:16

Apinü alo, “Dütre, tümüde arü lung lakhi kheaknü ike lung lakhi ahihbeah.”

1 KIUTHSÜYUKHEAN 11:14

tüshe api le Davidnü alopung phulung ching zhipbah tsunglo, tüsho Filistiarü laksah; tüsho Atungpuhnü akuk ngükhi ato jihde arü khümkhit.

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

NEHEMIA 9:9

Isa jipürü Ijip ching thsünükhi nünü ngü; Amürüm Keto ching arünü arung kheangde azhikhi nünü so.

MUNGSHIKHÜN 3:8

Akhümkhit ju Atungpuh yo ah; nü müngühmühi nü mihtsürübo kheak lah.

MUNGSHIKHÜN 68:21

Tsükjide Thrünpuhnü api riri kubo, arü neakbo ching yürü kuyü kihkhi thangphülang zünakbah.

MUNGSHIKHÜN 78:53

apinü arü tsüde be, junangde arü mütre; tüshe ketonü arü riribo zhidoabah.

MUNGSHIKHÜN 91:8

Nü mükbonü akheahbah, tüsho mihbukmuyuk thsümüchikhi ngübah.

ABEKHIT 14:30

Jumonü Atungpuhnü ju nimung Ijiprü khah chingnü Israel khümkhit, tüsho Ijiprübo keyean shea lakhi Israelnü ngü.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 43:11

I, I Atungpuh ah, tüsho I hobah akhümkhitrü she müla.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

TÜZHOKHI 3:26

Khürünü Atungpuh akhümkhit thsungkheak zhikde aleangkhi ju tsülah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 13:9

Inü nü thsümüchibah, O Israel; shenü nü rungkhiba?

HABAKKUK 3:13

Nünü nü mihtsürü khümkhitpü, mujude-mokhitkhi khümkhitpü mikhuh ching arü. Nünü mihbukmuyuk lomi limberü zünak, ku chingnü jing khiungde khuka bahjih.

HABAKKUK 3:8

Nü bukakhiukkhi ju ayungbo azhihde alakhea de, O Atungpuh ? Nü mulong zhipzhipkhi ayungbo azhihde alakhea de? Nünü khora tüsho lolungbebo bechoki nünü keto azhihde bukakhiukkhea de?

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

MATHI 28:5

Tüshe yunirünü aliberübo ki tha, “Dütre, tümüde nüsa ju yümkih-a bahkhi Jisu yimchoh de inü mükheahlah.

YUZÜNGTHALO 20:3

‘O Israel aniang: Khihni nüsa thiriri lung keochih ching lah; nüsa mulong dünini, dütre, tüsho dajan yungsho arü trede dümüyinsah;

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 12:16

Jumonü kheakü nüsa düngde zhipang tüsho Atungpuhnü nüsa mük ki ha ato rhimokhi kheahang.