ABEKHIT 14:12 - AMÜSÜH HÜM CL Bible (BSI)

¹² Isanü Ijip ching ha yu nü ki thakhi yung de, ‘Isa zangrü zojang, junangde isanü Ijiprü tankihbah?’ Tümüde isa sunglo ching shepü düna Ijiprü tankihkhi atsübe ah.”

ABEKHIT 14:12 Iomraidhean Croise

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

ABEKHIT 13:17

Küyimki Pharaonü mihtsürübo tsoshihkheanü, Thrünpuhnü aphünibe thsüa lalashe arübo Filistia lomi limronü mübe, tümüde Thrünpuhnü tha, “Arünü thirithsü ngüsho mihtsürübonü lümkhi müthribah tüsho Ijip lim rholode ayübah.”

ABEKHIT 3:9

Kheakü Israelrübonü azhikhi inü sodo, tüsho Ijiprübonü arü thsümüchikhi inü ngüdo.

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

ABEKHIT 6:9

Jumonü Mosanü Israelrü ki ha tha; tüshe arü mulong masühkhi tüsho thsümüchi azhorü kuhi lakhinü arünü Mosa ki mani.

HOSEA 4:17

Ephraimnü sangthsübo lung arihdo; api langzü zojang.

JONA 4:3

Tüsho kheakü, O Atungpuh , muzhobah I kheaknü I rhangdung luang, tümüde I thsungkheak a alapü kheaknü ashekhi atsübe ah.”

JONA 4:8

Küyimki ani akhiukkhea, Thrünpuhnü aniakhiuklim pung atak khülang thsakham, tüsho aninü Jona ku kheak thsahkih, junangde Jona lungabah tüsho apinü ashepü kün. Apinü tha, “ I alapü kheaknü ashekhi lang atsübe ah.”

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

MARK 5:7

Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.